О́mirzaq Shókeev saýda jáne ınnovasııa forýmyna qatysty

Búgingi tańda 13 taýar túri boıynsha 13 hattamaǵa qol qoıyldy, taǵy úsh hattama Qazaqstan Premer-Mınıstriniń QHR-ǵa resmı sapary kezinde qol qoıýǵa kelisildi.

Sapar barysynda qazaqstandyq delegasııa 130-dan astam el men ultaralyq kompanııalar qatysatyn «CHINA INTER­NATIONAL IMPORT EXPO» ım­porttyq taýarlardyń halyq­­aralyq kór­mesinde boldy. Elimiz­­diń ult­tyq pavılonynda 30-dan as­­tam kom­panııa ónimderi usy­nyl­ǵan, olardyń negizgi bóligi azyq-túlik óndirýshiler.

«CHINA INTERNATIONAL IMPORT EXPO» kórmesi barysynda О́.Shókeev «saýda jáne ınnovasııalar» forýmyna qatysyp, halyqaralyq kórme qonaq­tarynyń aldynda baıandama jasady. Vı­se-premer óz sózinde Qazaqstannyń aýylsharýashylyǵyn ınvestısııalaýdyń artyq­shylyqtary týraly aıtyp berdi.

Sonymen qatar «saýda jáne ınno­­va­­sııalar» forýmynda kórme­niń ult­tyq delegasııalarynyń bas­shy­lary, Eýro­odaq elderiniń premer-mı­nıstr­leri jáne mınıstrleri, Ekonomı­ka­lyq ynty­maq­tastyq jáne damý uıymy­nyń (EYDU) basshylyǵy, sondaı-aq Microsoft jáne Ali­Baba kompanııa­lary­nyń negizin qalaý­shylar sóz sóıledi. 

Kórme barysynda Qazaqstan Aýylsha­rýashylyǵy mınıstrliginiń, «Qaz­Agro» AQ basshylyǵynyń jáne ob­lys ákim­dikteri ókilderiniń qaty­sýymen Qytaı men Qazaqstan isker toptarynyń eki­jaqty kezdesýleri ótti. «Qazaq capital partners» men «Wu­deli Flour Group Co. LTD» arasynda As­tana qalasynda astyq óńdeý já­ne kes­pe óndirý zaýytyn salý týraly me­mo­randýmǵa qol qoıyldy. Qytaı kom­pa­nııalarynyń ókilderi Qazaqstan­nyń aýylsharýashylyǵy salasyna qyzy­ǵýshylyq tanytyp, ınves­tısııa salýdy josparlap otyr.

«Egemen-aqparat»