Aqtóbe oblysynyń Reseı federasııasymen aradaǵy ishki taýaraınalymy 2018 jyldyń qańtar-tamyz aı lary ishinde 804,3 myń AQSh dollaryn, sonyń ishinde eksport – 373 myń AQSh dollaryn qurady. Eksporttyń negizgi úlesi hrom, mys jáne myrysh rýdalary men konsentrattaryna, munaı ónimderine tıesili. Sondaı-aq, eksportqa qubyr ónimi, súımen men qara metall jáne basqa da taýarlar kiredi.
Aýmaǵynda «Magnıtagorsk metallýrgııa kombınaty» KAQ, «MMK-METIZ» Magnıtagorsk metbuıym-kalıbrleý zaýyty, «Chelıabi myrysh zaýyty» KAQ jáne t.b. syndy iri kásiporyndar jumys jasaıtyn Chelıabi oblysy aqtóbelik tarap úshin úlken qyzyǵýshylyq týdyrady. Qazirgi tańda óńirdiń kásiporyndarymen 11 aqtóbelik kompanııa tyǵyz jumys jasaıdy. Bul ózara qarym-qatynas pen ekonomıkalyq baılanysty keńeıtý úshin úlken áleýet baryn dáleldeıdi.
Kelisimder aıasynda taraptar saýda-ekonomıkalyq, ǵylymı-tehnıkalyq, áleýmettik, mádenı jáne gýmanıtarlyq yntymaqtastyqty keńeıtýde ózara áreket etýge, óńirlerdiń bıznesin, óndiristik-sharýashylyq kooperasııany damytýda kómektesýge kelisti.
О́ńir basshylary sondaı-aq, ózderiniń ókilettikteri aıasynda birlesken baǵdarlamalar men jobalardy júzege asyrý úshin kúsh biriktirýdi, taraptar ókilderiniń resmı jáne jumys babymen kezdesýleri aıasynda ınvestısııalyq jobalardy júzege asyrýdaǵy tájirıbelerimen almasýdy, iskerlik tapsyrmalar, kórmeler uıymdastyrýdy jáne ınvestısııalyq áleýetti tanystyrýdy josparlap otyr. Densaýlyq saqtaý jáne bilim berý, týrızm salalaryndaǵy bilimderimen jáne tájirıbelerimen almasýdaǵy birlesken jumystar josparlanǵan
