Bul keńes Memleket basshysynyń aǵymdaǵy jylǵy 7 qarashada Qaýipsizdik keńesiniń otyrysynda bergen tapsyrmalaryn oryndaýdyń aıasynda, sondaı-aq Qazaqstan Respýblıkasy Bas prokýratýrasynyń kommýnaldyq qyzmetterge tarıf belgileý salasyndaǵy tekserisiniń qorytyndysy boıynsha ótkizildi.
Vıse-mınıstr Memleket basshysynyń kommýnaldyq quyzmetterge tarıf belgileý salasyndaǵy baqylaýdyń joqtyǵyna qatysty Komıtettiń atyna aıtqan ádil syny bul saladaǵy ýákiletti organnyń tarapynan baqylaýdyń aıtarlyqtaı nasharlaýynyń saldary ekendigin atap ótti.
Keńeste quqyq buzýshylyqtardyń paıda bolýyna yqpal etken sebepter men jaǵdaılar qaralyp, Qazaqstan Respýblıkasy Bas prokýratýrasynyń uıǵarymy boıynsha Komıtettiń barlyq aýmaqtyq bólimshe basshylarynyń esebi tyńdaldy.
Prokýratýra organdarynyń barlyq uıǵarymyn oryndaý, anyqtalǵan faktiler boıynsha turǵyndar úshin negizgi kommýnaldyq qyzmetterge ótemdik tarıfterdi ýaqtyly engizý men tarıfterdi azaıtýdy qamtamasyz etý, sondaı-aq bul týraly halyqty ýaqtyly habardar etý tapsyryldy.
Halyqpen keri baılanysty qamtamasyz etý maqsatynda aǵymdaǵy jylǵy 12 qarashadan bastap, «Nur Otan» partııasymen, «Atameken» UKP-men, ÚEU, tabıǵı monopolııalar sýbektilerimen jáne qoǵamdyq mańyzdy bazarlarmen birge oblys jáne aýdan ortalyqtarynda, sondaı-aq oblystyq jáne aýdandyq mańyzdaǵy qalalarda qoǵamdyq qabyldaýdy uıymdastyrý tapsyryldy.
Olardyń qortyndysy boıynsha, barlyq usynystar men shaǵymdardy júıelendirý jáne qajet bolǵan jaǵdaıda, tabıǵı monopolııalar sýbektilerine jospardan tys tekserýler júrgizý qamtamasyz etiledi.
Prokýratýra organdarynyń uıǵarymdarynda kórsetilgen kásiporyndarǵa BAQ ókilderiniń, kópshiliktiń qatysýymen prokýratýra organdarynyń uıǵarymynda kórsetilgen faktiler boıynsha basshylardyń esebin uıymdastyrý úshin baspasóz týrlaryn ótkizý qajet.
Komıtet basshylyǵyna aǵymdaǵy jylǵy 12 qarashaǵa deıingi merzimde Komıtettiń ortalyq apparaty men aýmaqtyq bólimsheleriniń laýazymdy tulǵalarynyń jaýapkershiligi boıynsha naqty usynystar berý tapsyryldy.
Vıse-mınıstr Komıtet pen onyń aýmaqtyq organdary basshylarynyń nazaryn Memleket basshysynyń jumystaǵy basym baǵyt – Qazaqstan azamattarynyń ál-aýqatynyń ósýi bolýy tıis degen tapsyrmasyn buljytpaı oryndaýǵa taǵy bir márte aýdardy.
