Bul kezdesýdiń biregeıligi, qazirgi tarıhtaǵy alǵash ret resmı Kabýl men qarýly oppozısııa ókilderi biryńǵaı kelissózder ústelinde otyrǵany bolyp tabylady.
Konsýltasııalar barysynda taraptar aýǵanaralyq tatýlasýǵa qatysty máselelerdiń keń aýqymy talqylanyp, atap aıtqanda Aýǵanstandaǵy uzaq soǵysty toqtatýdyń sheshý joldary usynyldy.
Otyrysty Reseı Syrtqy ister mınıstri Sergeı Lavrov ashty. Is-sharadaǵy spıkerler Aýǵanstandaǵy saıası kúshter arasynda tikeleı jan-jaqty kelissózder júrgizý arqyly sol eldegi beıbitshilikti qalpyna keltirýdi usyndy.
Qazaqstandyq delegasııany Syrtqy ister mınıstriniń birinshi orynbasary Muhtar Tileýberdi basqardy. О́z sózinde qazaqstandyq dıplomat Ortalyq Azııa elderiniń ortaq shekaralary bar bolýy sebebinen Aýǵanstandaǵy beıbitshilik ornatýdyń mańyzdylyǵyn atap ótip, Aýǵanstandy aımaqtyq ıntegrasııalyq prosesterine tartýdy usyndy. Sondaı-aq, qazaqstandyq tarappen Aýǵanstandaǵy beıbitshilikti qalpyna keltirýge, sonyń ishinde BUU Qaýipsizdik Keńesiniń turaqty emes múshesi retinde jáne ekijaqty ýaǵdalastyqtardyń sheńberinde elimiz qosqan úlesi týraly atap ótildi.
Konsýltasııalardyń qorytyndylary boıynsha taraptar bundaı formatta aýǵanaralyq tatýlasý máselesin talqylaýdy jalǵastyrýǵa kelisti. Qalyptasqan dástúr boıynsha qorytyndy qujat qabyldanbaı, kelesi kezdesýdiń ótý merzimderi belgilenbedi.
