Oblys ákimi Q.Aqsaqalovtyń óńirdegi áleýmettik-ekonomıkalyq ahýaldyń damýy, ındýstrııalyq jobalardyń iske asyrylýy jáne Joldaý tapsyrmalarynyń oryndalýy jónindegi esebin tyńdaldy.
Memleket Basshysy Qazaqstan men Reseı arasyndaǵy óńiraralyq yntymaqtastyq forýmyna daıarlyq sheńberinde aımaqty damytý baǵdarlamasynyń tıimdi iske asyrylyp jatqanyn atap ótti. Petropavl qalasyn kórkeıtý maqsatymen kóp jumystar atqaryldy. Oblystyń ekonomıkalyq kórsetkishteri qalypty. О́sim qarqyny respýblıka boıynsha ortasha kórsetkishten joǵary, dedi Elbasy.
Sonymen qatar, Memleket basshysy oblystyń agrarlyq áleýetine toqtalyp, aýyl sharýashylyǵy salasyn damytý qajettigin aıtty. Elimizdegi aýyl sharýashylyǵy ónimderin óńdeý isi kóńil kónshiterlikteı emes. Men aýyl sharýashylyǵyndaǵy eńbek ónimdiligin eki ese kóterý jóninde mindet qoıdym. Bul sizderdiń oblystaryńyzǵa tikeleı qatysty. Qaıta óńdeý men eksportty ilgeriletý arqyly ǵana ónimdilikti arttyrýǵa bolady. Sizder úshin jańa tutyný naryqtary ashylady, dedi Qazaqstan Prezıdenti.
Elbasy turǵyn úı jáne ınfraqurylym nysandaryn salý, áleýmettik baǵdarlamalardy iske asyrý jumystarynyń nátıjelerine de toqtaldy. 2018 jyly óńirdiń 6 myńnan astam turǵyny baspanamen qamtamasyz etilip, 150 myńnan astam jumysshynyń jalaqysy kóteriledi. О́ńirlik mańyzy bar joldar jóndeýden ótkiziledi.
О́mir ESQALI,
«Egemen Qazaqstan»
Soltústik Qazaqstan oblysy
