Kezdesý barysynda Q.Jubanov atyndaǵy AО́MÝ kitaphanasyna Elbasy kitaphanasynyń 350-den astam kitaby syıǵa tartyldy. Olardyń ishinde N.Á.Nazarbaevtyń eńbekteri, Tuńǵysh Prezıdenttiń 1990-2016 jyldar arasyndaǵy qyzmetiniń hronıkalary, memleket basshysynyń resmı ómirbaıany, qazaqstandyq jáne sheteldik avtorlardyń Elbasy týraly kitaptary, qoǵamdyq-saıası, ekonomıkalyq jáne mádenı taqyryptardaǵy ózekti ádebıetter bar.
Atalmysh sharalar QR Tuńǵysh Prezıdenti - Elbasy kitaphanasynyń «N.Nazarbaev: dáýir, tulǵa, qoǵam» atty kóshpeli kórme jobasy aıasynda ótti. Oǵan aýqymdy ǵylymı-bilim berý, sonymen qatar, Aqtóbe oblysy boıynsha kóshpeli ekskýrsııalar kiredi.
- Joba 2017 jyly qarasha aıynda Almatyda bastaý aldy, keıin óz jumysyn osy jyldyń aqpan aıynda Shymkentte jalǵastyrdy. Qyrkúıek aıynda Atyraýda tabysty ótti. Kórmemen endigi 350 myńnan astam tanysty. Biz ekspozııalardy tolyqtyryp, Aqtóbege keldik, munda men 85 jyldyq tarıhy bar, elizdegi bedeldi ýnıversıtetke soqpaı kete almadym. Munda stýdentterdiń sapaly bilim men jaqsy tárbıe alýlary úshin barlyq jaǵdaı jasalǵanyn kórip turmyn,-dedi kezdesýde Mahmud Qasymbekov.
Kórme jobasynyń maqsaty - táýelsiz Qazaqstannyń qalyptasýy men damýyn, saıası mádenıetiniń tarıhı evolıýsııasyn jáne osy úderisterdegi Elbasynyń teńdessiz rólin sıpattaıtyn derekterdi usyný.
Jobanyń negizi Elbasy kitaphanasynan jınallǵan qor kórmesi bolyp tabylady. Jınaqtalǵan, júıelengen arhıvtik, kitap, jádigerlik keshender Táýelsizdigimizdiń tarıhyn, Qazaqstanda Prezıdenttik ınstıtýttyń qalyptasýy men damý boıynsha biregeı zertteý, taldaý, mádenı-aǵartýshylyq, bilim berý, aqparattyq alańdy jasaqtaıdy.
Aqtóbe oblysynyń jalpaq jurtyna arnalǵan kórme sarapshylar qoǵamdastyǵy, ǵalymdar, mádenıet jáne bilim berý salalary mamandary kezdesetin ózindik forýmǵa aınalmaq.
Kórme 2019 jylǵy qańtar aıynyń sońyna deıin jalǵasady.
