- Burynǵy oryndarǵa qalanyń shaǵyn aýdandarynan jetý qıyn bolatyn, qazir jármeńkemiz qaıta oraldy. Árbir shaǵyn aýdanǵa teń qashyqtyqta ornalasqan.
Oblystyq aýyl sharýashylyǵy basqarmasynyń málimetinshe, oǵan 90 tonnadan astam ónim ákelingen.
Jármeńke ótkizýdi óz múddeleri úshin talas-tartysqa aınaldyrǵandar jármeńkeniń ereksheligin endi túsingen shyǵar.
Jalpy, jármeńke 2015 jylǵa deıin oblys ortalyǵyndaǵy «Kvazar» saýda úıiniń mańaıynda ótip keldi.
2016 jyly qalalyq ákimdik jármeńkeni «Kvazar» saýda úıiniń qasynan «Qan tapsyrý ortalyǵy» men «Jedel-járdem» stansasyna jaqyn jerdegi keń alań aýlaǵa aýystyrdy.
2016 jyly qysta jármeńkege «Ertis yrysy» degen ataý berilip, oblys ortalyǵynyń ońtústik shetine qaraı Torgovaıa kóshesi, 4/1 shaǵyn aınalym aýmaǵyna aýysty.
Byltyr «Ertis yrysy» jármeńkesi Sývorov kóshesi,11 úı meken jaıyndaǵy jabyq jerdegi ǵımaratqa kóship bardy.
Qala ákimdigi, oblystyq aýyl sharýashylyǵy, kásipkerlik, saýda jáne týrızm basqarmalary jáne «Gold Plaza» JShS degen birlesip memorandýmǵa qol qoıyp úlgerdi.
Qala ákimdigi «aýyl sharýashylyq jármeńkesi ashyq alańda ótkizilmeıdi. Saýda alańyn 5 jyl merzimge óteýsiz paıdalaný úshin kásipkermen kelisimge otyrdyq» dep habarlady.
Jármeńkeni jabyq jerde ótedi dep bir, kún saıyn ótkizemiz dep ekinshi ret qatelesti. Endi qalalyq ákimdik «Gold Plaza» seriktestigimen kelisimderin úzgen de bolar?
Jármeńkeniń jabyq ǵımaratqa kóshýine qala turǵyndary narazylyq bildirgen-di.
Sol kezdegi qala basshylyǵy jabyq kommýnaldyq bazar men jármeńkeniń aıyrmasyn bilmeıtinin baıqatyp qaldy.
Oblys ortalyǵynda azyq-túlik, kókónis, kartop saýdalaıtyn basqa da jabyq kommýnaldyq bazarlar da, áleýmettik dúkender de, shaǵyn bazarlar da jetkilikti edi.
Farıda BYQAI,
«Egemen Qazaqstan»
PAVLODAR
