Reseıdiń M-1 Global nusqasy boıynsha chempıondyq belbeýdi ıelenip, mıllıondaǵan kórermenniń kózaıymyna aınalǵan 27 jastaǵy sportshyny shyǵaryp salý úshin ótken aptanyń aıaǵynda Orynbor áýejaıyna halyq kóptep jınaldy. Olar qazaqtyń qaısar ulyna qoshemet kórsetip, aldaǵy saıysta sáttilik tiledi.
Aleks Gorgıs – óte myqty qarsylas. Osy kúnge deıin jeti jekpe-jek ótkizgen ol barlyǵynda jeńiske jetti. Ásirese, Alekstiń soqqylary óte joıqyn. Sonymen qatar, Avstralııada grepplıng pen djıý-djıtsýdiń de jaqsy damyǵany barshaǵa málim. Aldaǵy jarys ekeýmiz úshin de úlken synaq bolǵaly tur. Sol synaqqa men daıynmyn, – deıdi Damır.
Esterińizge sala keteıik, Damır Ismaǵulov pen Aleks Godjes arasyndaǵy aıqas 2 jeltoqsanda Avstralııanyń Adelaıda qalasynda ótedi. Sol keshtiń basty jekpe-jeginde UFC-diń eks-chempıony, 34 jastaǵy brazılııalyq Djýnıor Dos Santos pen áli eshkimnen jeńilmegen 25 jastaǵy avstralııalyq Taı Týıvasa kúsh synasady. 44 jastaǵy Jańa Zelandııanyń juldyzy Mark Hant pen 31 jastaǵy AQSh-tyń ókili Djastın Ýıllıs arasyndaǵy báseke de kópshiliktiń qyzyǵýshylyǵyn týdyrýda. Olar asa aýyr salmaqta aıqasady. Sonymen qatar, jasyl qurlyqta ótetin jarysta myna sportshylar ózara sheberlik baıqasady:
Maýrısıo Rýa (Brazılııa)– Taıson Pedro (Avstralııa)
Djeık Mettıýs (Avstralııa) – Tonı Martın (AQSh)
Djım Krýte (Avstralııa) – Pol Kreıg (Shotlandııa)
Sýman Mohtarıan (Avstralııa) – Sodık Iýsýff (AQSh)
Iýshın Okamı (Japonııa) – Alekseı Kýnchenko (Reseı)
Ýılson Reıs (Brazılııa) – Ben Ngýen (AQSh)
Mızýto Hırota (Japonııa)– Krıstos Gıagos (AQSh)
Ashkan Mohtarıan (Avstralııa) – Kaı Kara-Frans (Jańa Zelandııa)
Keıta Nakamýra (Japonııa) – Salım Týarı (Polsha)
Ǵalym SÚLEIMEN,
«Egemen Qazaqstan»
