Iаǵnı, buǵan deıingi jasalǵan taldaýlar men zertteýler jáne monıtorıngtik baqylaýlar nátıjeleri oblysta joǵaryda atalǵan kategorııaǵa kiretin jumys isteýshiler qatary tup-týra 70 myń ekenin kórsetedi. Onyń 32 myńy – bıýdjet salasynyń qyzmetkerleri. Bul rette birinshi kezekte bilim berý salasynda qyzmet isteıtin mamandardyń jalaqy mólsherin kóbeıtýge basymdyq berildi. Jumys toby óńirde atalǵan sanatta 25 myńnan astam qyzmetker bar dep málimdedi. Olardyń eńbekaqylary ortasha eseppen alǵanda 48 600 teńgege deıin ósedi dep kútilýde.
Osy oraıda oblystaǵy jalaqy mólsherin ósirý jónindegi naqty is-qımyldar ekonomıkalyq jáne áleýmettik sektordyń barlyq salasyna qatysty ekenin aıtqan jón. Bul rette búginde óńirde 15 872 jekemenshik ıeleri men shaǵyn kompanııa bar ekeni de udaıy nazarda bolyp keledi. Arnaıy jumys toby bul qurylymdarda jalaqylary 42 500 teńgeden tómen 39 myńǵa jýyq adam bar ekenin de shotqa túsirdi.
Bir sózben aıtqanda, qazirgi kúni oblysta eń tómen jalaqy alatyn azamattardyń naqty sanyn anyqtaý jumystary odan ári jalǵasýda. Taqyrypqa oraı óz oı-pikirin Aqtóbe oblysynyń ákimi Berdibek Saparbaev gazet tilshisine bylaısha jetkizdi:
– Jalaqy – adamdardyń áleýmettik kóńil-kúıine áser etetin názik te shetin ári kúrdeli másele. Ony retteý men ósirý jónindegi is-sharalar ústirttik pen formaldilikti kótermeıdi. Biz óńirdegi barlyq iri jáne orta kásiporyn jetekshileri men arnaıy jumys toby músheleriniń osy jaıtty nazardan tys qaldyrmaýyn aıtyp kelemiz. Bul rette tek statıstıkalyq málimetterge ǵana arqa súıeý azdyq eteri anyq. Iаǵnı, istiń jaǵdaıyn ýaqyt tozdyrmaı tez arada ári tıisti jerde sheshý naqty nátıjege jaqyndata túspek. Búginde bárimizdiń alǵa qoıyp otyrǵan maqsatymyz osyndaı.
Qazirgi kúni óńirdegi barlyq jumys berýshi Prezıdenttiń tapsyrmasyna oraı 2019 jyldyń 1 qańtarynan bastap jalaqyny kóterýdi júzege asyrýǵa bir kisideı jumylǵan.
Temir QUSAIYN,
«Egemen Qazaqstan»
AQTО́BE
