Búginde polısııanyń 1500 qoǵamdyq kómekshileri bar. Jurtshylyqpen esep berý kezdesýinde Oblystyq polısııa departamentiniń bastyǵy Beket Aımaǵambetov qylmyskerdi quryqtaýda úlken kómek kórsetken 4 azamatty marapattady. Sonymen qatar, kezdesýde Beket Aımaǵambetov turǵyndardy quqyq buzýshylyqqa tózbeýge shaqyrdy.
«Biz qazir bir jarym myńnan asa qoǵamdyq kómekshilermen qoıan-qoltyq jumys isteımiz. Qylmysty ashqanda, ákimshilik quqyqbuzýshylyqty anyqtaǵanda jáne qoǵamdyq tártipti saqtaýǵa belsene qatysqan olardyń eńbegi óte zor. Bıyl polıseıler ózine kómektesken 190 qoǵamdyq kómekshilerdi kótermelep, yntalandyrdy» dedi Beket Imanuly.
Qylmyskerdi ustaýǵa jáne joǵalǵan adamdardy tabýǵa kómekteskeni úshin marapattalǵandardyń arasynda joǵary synyp oqýshysy Nurlan Shaısultanov ta bar. Ol dúkenge qaraqshylyq jasaǵan qylmyskerdi ustaǵan bolatyn. Aram pıǵyldy qylmyskerdiń qolynda pyshaq bolatyn, biraq oqýshy qoryqpaı, aıla-amalyn taýyp, polısııa kelgenshe-aq ony ustap turdy. Polısııa departamenti bastyǵynyń qolynan marapat alǵan Olesıa Logoshınovachevskaıa volonterler tobyn uıymdastyryp, joǵalyp ketken 15 adamdy tabýǵa kómektesti.
Názıra JÁRIMBET,
«Egemen Qazaqstan»
Qostanaı
