M.Áshimbaevtyń sózine qaraǵanda, Táýelsizdik jyldarynda qabyldanǵan strategııalyq máni zor bastamalardyń biri – Elbasynyń tikeleı tapsyrmasymen qurylǵan «Bolashaq» baǵdarlamasy. Sonymen qatar el úshin mańyzdy, aýqymdy baǵdarlamanyń biri – el ortalyǵyn Astana qalasyna aýystyrý. «Bul sol kezeńdegi óte batyl qadam boldy. О́ıtkeni táýelsizdiktiń alǵashqy jyldary el úshin aýyr tıdi. Ekonomıkalyq, saıası, áleýmettik salalarda daǵdarystarǵa tap boldyq. Jalaqy tólengen joq, jumys oryndary qysqartylyp jatty.
Osyndaı jaǵdaıǵa qaramastan Elbasy «Bolashaq» baǵdarlamasymen birge el ortalyǵyn Aqmola qalasyna aýystyrý týraly sheshim qabyldady. 20 jyl ótken soń osy qadamnyń ekonomıkalyq damýǵa, áleýmettik jáne saıası máselelerge oń áser etip, eldiń aıaqqa turýyna kóp úles qosty», dedi M.Áshimbaev. Sondaı-aq Partııa Tóraǵasynyń birinshi orynbasary elordany aýystyrý elimizdegi soltústik óńirlerdiń damýyna, ınfraqurylymnyń nyǵaıýyna jaǵdaı jasap, jańǵyrý baǵdarlamasynyń arqaýyna aınaldy.
Budan bólek Astana qalasynyń álemdik máseleler talqylanatyn halyqaralyq alańǵa aınalǵanyn atap ótip, keıingi kezde atqarylyp jatqan sharalarǵa toqtaldy. Onyń sózine qaraǵanda, Astana mysalyn memlekettik basqarýdaǵy taptyrmas keıs retinde oqytýǵa laıyq. M.Áshimbaev úshinshi strategııalyq qadam retinde «Rýhanı jańǵyrý» baǵdarlamasyn atap kórsetti. Onyń aıtýynsha, qoǵamdyq sanany jańǵyrtýdyń memleket qalyptastyrýdaǵy mańyzy zor.
Abaı ASANKELDIULY,
«Egemen Qazaqstan»
