Sońǵy múmkindik – Máskeýde

Naýryz merekesinen keıin Astana men Mılan qalalarynda jankúıerlerdiń taǵatsyzdana kútken Búkilálemdik boks serııasy jartylaı fınalynyń alǵashqy kezdesýleri ótti.

«Astana arlandary» óz ala­ńynda Máskeýdiń «Dınamo» komandasymen kezdesse, «Mılan naı­zaǵaılary» Ázerbaıjannyń «Baký ottary» klýbyn qabyl­dady.

Naýryz merekesinen keıin Astana men Mılan qalalarynda jankúıerlerdiń taǵatsyzdana kútken Búkilálemdik boks serııasy jartylaı fınalynyń alǵashqy kezdesýleri ótti.

«Astana arlandary» óz ala­ńynda Máskeýdiń «Dınamo» komandasymen kezdesse, «Mılan naı­zaǵaılary» Ázerbaıjannyń «Baký ottary» klýbyn qabyl­dady.

Osy kezdesýdiń ekeýi de eki kúnde ótti. Alǵashqysy 23 naýryz kúni, ekinshisi kelesi kúni boldy. Sonyń ishinde 23-i kúni «Astana arlandarynyń» re­seı­lik komandamen bolǵan kezdesýi asa qyzyqty jáne tartysty ótip, jerlesterimiz 3:2 esebimen jeńiske jetti. Bul aıqasta bizdiń komandanyń sapynda Mirjan Raqymjanov (54 kg.), Mereı Aqshalov (61 kg.), Mıras Baıyrhanov (73 kg.), Ramzjon Ahmedov (85 kg.) pen asa aýyr salmaqtaǵy Rýslan Myrsataev reseı­lik­terdiń quramyndaǵy Vladımır Nıkıtın, Vazgen Safarıans, Vıtalıı Bandarenka, Danıl Shved pen Sergeı Kalchýgınmen qolǵap túıistirdi. Osy aıqasta «arlan­dardyń» sapyndaǵy Aqshalov, Baıyrhanov pen Ahmedov je­ńiske jetse, qalǵan ekeýi jeńilýge májbúr boldy. Myrsataev úmitimizdi aqtamady. Osy aıqastarda Mirjannyń qarsyla­synan taza jeńilgenin moıyndaý kerek. Nıkıtın aıla-tásili, qý­lyq-sumdyǵy basym boksshy eken. Soqqylary da dittegen jerine dál tıip jatady. О́zi my­ǵym, sabyrly, aılaker boksshy ekeni kórinip tur. Ol bes raýnd­tyń bárinde Raqymjanovty shydatpady. Al Myrsataev bolsa, úshinshi raýndtan keıin syr berip, qalǵan ýaqytqa shydaı almaı qaldy. Onyń taǵy bir qateligi, oılamaǵan jerden qarsylasyn bas­pen uryp, tóreshilerden eskertý alǵany boldy. Osy baspen urý oǵan tipten kerek emes edi. Qysqasy, boks keshinde biz jeńiske jetsek te, kóńilimiz áli Máskeýde ótetin aıqas úshin alańdaýly ekenin jasyra almaımyz. 30 naýryz kúni Máskeýde ótetin ekinshi jartylaı fınal­dyq synda «arlandarǵa» 4:1 esebimen jeńiske jetý kerek. Eger esep 3:2 bolyp máskeýlik­terdiń paıdasyna sheshilse, onda qosymsha jekpe-jek ótetin bolady. Bul kezdesýge bizdiń tarapymyzdan Qanat Islam bastaǵan boksshylar qatysady. Olarǵa biz aq jol ǵana tileı alamyz. Al keshegi «Dáýlet» sport kesheninde ótken boks keshinde jeńiske jetken Aqshalov, Baıyrhanov pen Ahmedovke bizdiń alǵysymyz sheksiz.