Bul týraly Túrkistan oblysynyń О́ńirlik kommýnıkasııalar qyzmetinde ótken brıfıngte «Turkistan invest» ınvestısııalyq kompanııasynyń basshysy Álibek Nesipbekov málimdedi. «Iri jobalardyń qatarynda jalpy quny 13 240 mln. teńgelik «EkoProTeh-Astana» JShS-iniń kún elektrostansııasy - 20 adamdy, quny 95 000 mln. teńgeni quraıtyn «Standard Petroleum & Co» JShS-iniń munaı óńdeý zaýyty - 1 000 adamdy jumyspen qamtymaq», - dedi Álibek Nesipbekov.
«Túrkistan» áleýmettik-kásipkerlik korporasııasy» aksıonerlik qoǵamynyń keńsesi janynan búginde «Turkistan invest», «Sıfrlandyrý ortalyǵy» jáne «Turaqtandyrý qory» fılıaldary qurylǵan. "Túrkistan" ÁKK" AQ tóraǵasy Aıtmuhammed Aldajarovtyń aıtýynsha, qazirgi tańda korporasııa qurylys, áleýmettik mańyzdy jobalar, týrızm, ınvestısııa tartý, sıfrlandyrý, turaqtandyrý qory syndy baǵyttar boıynsha jumys atqarady. Sondaı-aq ınvestorlarǵa qoldaý kórsetý maqsatynda ázirlengen «InvestInTurkistan.org» ınvestısııalyq portaly aqparatty qazaq, aǵylshyn, fransýz, qytaı, túrik, arab jáne orys tilderinde taratady. Bul portaldyń kómegimen ınvestor kez-kelgen ýaqytta ózine qajetti aqparatty alý múmkindigine ıe bolady.
Ǵalymjan ELShIBAI,
«Egemen Qazaqstan»
Túrkistan oblysy
