N.Nazarbaev shıelenis aımaǵynan oralǵandardy beıimdeý qajettigin eske saldy. «Kishkentaı balalar ushaqtan túskende analarynan «Myna jerge bomba túspeı me?» dep suraıdy eken dedi Elbasy.
Sonymen qatar «Ár adam óz taǵdyryn ózi jasaıdy. Jaqynda Sırııadaǵy shıelenis aımaǵynan 47 qazaqstandyqty alyp keldik. Olardyń arasynda 30 bala bar, ákeleri soǵysta mert bolǵan, analary qorǵaýsyz qalǵan. Mundaı qaýipti ári mańyzdy operasııany bizdiń arnaıy qyzmet ózge memlekettermen birlesip júrgizdi.
Basqa memleketter de bul lańkesterdiń kózin joıýǵa tyrysyp jatyr. Lańkesterdiń arasynda qazaqstandyqtar da bar. Júzdegen otandasymyz qaza tapty. Aman qalǵandaryn elge qaıtarýdy jalǵastyramyz» dedi Memleket basshysy.
