Birinshi kezeńde esep ashylmaǵanymen, úzilisten keıin qarqynyn kúrt kúsheıtken astanalyq hokkeıshiler qatarynan eki shaıbany qaqpaǵa engizdi. Bul goldardyń avtorlary – Alekseı Maklıýkov pen Darren Dıs. Úshinshi kezeńde Andreı Chıbısov mergendik tanytyp, esep aıyrmashylyǵyn qysqartty. Kezdesýdiń sońǵy mınýtynda aıdyn ıeleri qaqpashyny shabýylshymen almastyryp, tarazy basyn teńestirý jaǵyn oılastyrdy. Alaıda óte saýatty oınaǵan «Barystyń» órenderi matchtyń aıaqtalýyna sanaýly sekýndttar qalǵanda taǵy bir gol soqty. Bul joly Dastın Boıdtyń asqan sheberligine qulshyna qol soqtyq.
Qazirgi kezde «Barys» turaqty birinshilikte altynshy orynda keledi. 50 kezdesýden keıin olar 71 upaı jıyp otyr. Sondaı-aq, tórtinshi jáne besinshi satyǵa turaqtaǵan Iаroslavldiń «Lokomotıvi» men Ombynyń «Avangardynyń» da enshisinde dál sondaı upaı bar. Desek te bizdiń komandanyń olardan birneshe oıyny kem. Olaı bolsa, aldaǵy ýaqytta aıtýly klýbtardy «Barystyń» basyp ozýyna tamasha múmkindigi bar.
Ǵalym SÚLEIMEN,
«Egemen Qazaqstan»
