Otandyq aýyl sharýashylyǵyn túsimi joǵary, baǵasy qol jetimdi dándi daqyldar tuqymymen qamtyp otyrǵan seriktestiktiń bul salada 15 jyl tájirıbesi bar. О́tken jyly Qazaq aýyl sharýashylyǵy ǵylymı-zertteý ınstıtýtymen birlese óndiriske engizgen qant qyzylshasynyń jańa sorty «Aısholpan» dep atalady.
- Bizdiń maqsatymyz qazaq dıqandarynyń sapaly qyzylsha tuqymyn egip, mol ónim jınaýyna kómek kórsetý. Otandyq tuqymnyń sapasy shetelden mıllıondaǵan dollarǵa satyp alynatyn tuqymnan esh kem emes, qaıta ónimdilig anaǵurlym joǵary ekendigine sońǵy on bes jyl boıǵy jumysymyzdyń nátıjesinde kóz jetkizdik. Bizdiń ónimdi Ýkraına, Reseı eginshilik jáne ósimdik sharýashylyǵy ǵylymı-zertteý ınstıtýttary synaqtan ótkizip, joǵary baǵa berdi. El dıqandary da «Qamqorlyqtyń» tuqymyna kóshe bastady, - deıdi Qamqorlyq» elıtalyq-tuqym sharýashylyǵynyń dırektory Álen Joldasov.
Qalmahanbet MUQAMETQALI,
«Egemen Qazaqstan»
Almaty oblysy
