Bir top kásipker 2018 jyly qarasha aıynda Rýmynııa astanasy Býhareste ótken sambodan álem chempıonatynda 68 kılogramdyq salmaqta jeńimpaz atanǵan jerlesi Nurbol Serikovke Oral qalasynan jaıly páter kiltin syıǵa tartty.
Jomarttyq kórsetken Turarbek Tilemisov, Qaınar Esmuhanov, Aleksandr Qaraǵoıshın, Álibek Sartaev, Berik Qurmanǵalıev, Samat Hasanov búginde Oral men Aqtóbe óńirinde túrli salada tabysty qyzmet atqaryp júrgen azamattar. Olardyń bári de Batys Qazaqstan oblysy Qaztalov aýdanyna qarasty Jalpaqtal óńirinde týyp-ósken. Jalpaqtal – ejelden uıymshyldyǵymen, ásirese «Týǵan jer» baǵdarlamasy aıasynda atqarǵan qyrýar sharalarmen tanymal ólke.
- Biz búgin ár tarapta júrsek te Jalpaqtal óńirinde týǵanymyzdy umytpaımyz. Týǵan jerdiń ár jetistigine, sol jerde týǵan ul-qyzdardyń jeńisine ózgeden bólek qýanamyz. Nurbol, sen de on jyldan beri sport áleminde biraz jetistikke jettiń, mine, álem chempıony boldyń. Endi olımpıada chempıony bolýyńa tilektespiz. Eldiń týyn, Qazaqstannyń baıraǵyn bıik kóterip jatyrsyń, soǵan aǵalyq alǵysymyz bolsyn dep baspana syılap otyrmyz, - dedi «Oral Trans» JShS dırektory, Oral qalalyq máslıhatynyń depýtaty Turarbek Tilemisov.
Nurbol Serikov 1993 jyly 16 qarashada Batys Qazaqstan oblysy Qaztalov aýdany Aqpáter aýylynda dúnıege kelgen. Oral qalasyndaǵy sportqa daryndy balalarǵa arnalǵan mamandandyrylǵan oblystyq mektep-ınternatynyń túlegi N.Serikov Mahambet О́temisuly atyndaǵy Batys Qazaqstan memlekettik ýnıversıtetiniń dene shynyqtyrý jáne sport fakýltetin bitirgen. Ol dzıý-dodan Qazaqstan Respýblıkasynyń sport sheberi, sambodan halyqaralyq dárejedegi sport sheberi.
2009 jyly Temirtaýda ótken dzıýdo kúresi boıynsha QR chempıonatynda 1-oryn, 2010 jyly Chehııada ótken halyqaralyq jarysta 1-oryn, 2011 jyly Atyraý qalasynda ótken QR chempıonatynda 2-oryn, 2011 jyly Temirtaý qalasynda ótken QR chempıonatynda 1-oryn, 2011 jyly О́zbekstan astanasy Tashkent qalasynda ótken Azııa chempıonatynda 1-oryn, 2012 jyly Ger-manııanyń Bremen qalasy ótken halyqaralyq týrnırde 2-oryn, Qaraǵandyda ótken QR chempıonatynda 1-oryn, Tashkent qalasy Azııa chempıonaty 3-oryn, 2013 jyly Koreıada ótken Azııa chem-pıonatynda altyn medal, 2015 jyly Belarýs astanasy Mınsk qalasynda ótken erler, áıelder jáne áskerı sambodan Belarýs Respýblıkasy Prezıdenti júldesiniń 3-oryn ıegeri bolǵan.
Qazbek QUTTYMURATULY,
«Egemen Qazaqstan»
Batys Qazaqstan
