Ispanııanyń «Hersill.SL» kompanııasynda jasalǵan «Genesis» apparaty naýqasqa narkoz kezinde tynys alýǵa múmkindik beretin zamanaýı tehnologııamen jumys istetıdi. Onyń quny 15 mln 900 myń teńge shamasynda eken. Al «VM-pasıent» monıtory Ońtústik Koreıadan 6 mln 150 myń teńgege arnaıy Jarkent perzenthanasy úshin ákelinipti.
Qaırymdylyq sharasyna arnaıy kelgen Almaty oblysy ákiminiń orynbasary Aqan Ábdýálıev shalǵaıdaǵy el turǵyndaryna jasaǵan jaqsylyǵy úshin qor ujymyna alǵys aıtty.
- Oblystyq bıýdjetten jyl saıyn densaýlyq saqtaý salasyna qarjy bólinedi. Alaıda aýdandardaǵy densaýlyq saqtaý mekemelerin ozyq tehnologııadaǵy jańa apparatýralarmen tolyq qamtamasyz etýge bıýdjet qarjysy jete bermeıtini ras. Bolat О́temuratovtyń qory Jarkent perzenthanasy úshin ıgi is jasady. Bul osy aımaqtaǵy ana men balaǵa degen qamqorlyqtyń úlgisi, – dedi oblys ákiminiń orynbasary Aqan Ábdýálıev.
