Sport • 18 Aqpan, 2019

UOK Bas hatshysy Búkilálemdik karate federasııasynyń basshysymen kezdesti

460 ret

kórsetildi

1 mın

oqý úshin

Qazaqstan Ulttyq Olımpıadalyq komıtetiniń Bas hatshysy Sáken Musaıbekov karateden Birikken Arab Ámirlikterinde óken Premer-lıga týrnıriniń aıasynda Búkilálemdik karate federasııasynyń (WKF) prezıdenti Antonıo Espınoz jáne uıymnyń vıse-prezıdenti Nasser Ál Razýkımen kezdesti dep habarlaıdy Olympic.kz.

UOK Bas hatshysy Búkilálemdik karate federasııasynyń basshysymen kezdesti

Kezdesý barysynda qos tarap karateniń damý qarqynyn jáne 2020 jylǵy Tokıodaǵy Olımpıada oıyndaryna daıyndyq barysyn talqylady. Búkilálemdik federasııa basshysy qazaqstandyq tarappen áriptestikti ári qaraı damytýǵa múddeli ekenin aıta kele, elimizde ótetin Kazakhstan Open 2019 týrnırin tamashalaýǵa, sondaı-aq, Qazaqstan UOK jáne Qazaqstan karate federasııasymen jaqynyraq tanysýǵa ýáde berdi. Antonıo Espınoz myrza iri halyqaralyq jarystarda joǵary nátıje kórsetip júrgen qazaqstandyq karateshilerdiń áleýetin joǵary baǵalady.

Aıta ketelik, byltyr Madrıdte ótken Búkilálemdik Kongreste Qazaqstan ulttyq komandasynyń bas bapkeri Jastalap Sanaýov Búkilálemdik karate federasııasy atqarýshy komıtetiniń múshesi bolyp saılandy. Qazaqstandyq bapker Búkilálemdik karate federasııasyna saılanǵan TMD-nyń alǵashqy ókili bolyp sanalady.

BAÁ halyqaralyq týrnırde qazaqstandyq sportshylardyń kórsetken nátıjelerimen myna jerden tanysýǵa bolady.