Jastar arasyndaǵy jumyssyzdyqqa toqtalǵan mınıstr, resmı statıstıka boıynsha sońǵy 15 jyldyń ishinde jastardyń jumyssyzdyq deńgeıi 10 paıyzǵa tómendedi. Sońǵy úsh jylda jumyssyz jastardyń sany 92 myńnan 81 myńǵa, ıaǵnı 4,1-den 3,9 paıyzǵa deıin qysqartyldy.
«Qazaqstandaǵy jumyssyz jastar deńgeıi TMD-ǵa qatysýshy memleketterdiń arasynda eń tómengi bolyp sanalady. Solaı desek te, biz jastar arasyndaǵy jumyssyzdyq máselesin túbegeıli sheship tastadyq dep aıta almaımyz. Muny ashyq aıtýymyz qajet» dedi.
Osy oraıda, D. Káletaev bul máseleniń sheshimi jastardyń túrli sanatyn jumyspen qamtýdyń jol kartasy aıasynda qarastyrylyp jatqanyn atap ótti. Onyń atap ótýinshe, óńirlerde jastar isimen 207 keńes turaqty aınalyssa, ár kásiporynda, joǵary oqý oryndary men kolledjderde jastar isteri jónindegi komıtetter jumys isteıdi. Olardyń sany búginde 818, onyń ishinde joǵary oqý oryndarynda -119, kolledjderde - 525, al kásiporyndarda -174.
«Jastarmen ataýly jumys júrgizý úshin barlyq óńirlerde jastar resýrstyq ortalyǵy qurylǵan. Olardyń sany - 208. 2017 jyly qyrkúıekte Úkimettiń sheshimi boıynsha mınıstrliktiń basqarýyna «Jastar» ǵylymı-zertteý ortalyǵy berildi. Ortalyqta Memlekettik jastar saıasaty mektebi jumys isteıdi, onyń jastarmen aınalysatyn mamandar sertıfıkattalǵan oqytýdan ótedi. Mysaly, 2018 jyly 500-deı adam osy oqytýdan ótti. Sondaı-aq, elimizde jastar taqyryby boıynsha 500-den astam úkimettik emes uıymdar jumys isteıdi» dedi mınıstr.
