Oqıǵa 16 aqpan kúni oryn alǵan. Abaı aýdany Qursaı móltek aýdanyndaǵy órt shyqqany týraly habarlama 16.39-da kelip túsken. О́rt sóndirý qyzmetiniń 14 adamnan quralǵan toby Jańaqurylys kóshesindegi ýaqytsha salynǵan úıdegi (vremıanka) 60 sharshy metrdi sharpyǵan órtti 2 saǵatta sóndirgen.
Mamandar anyqtaǵan qutqarýshy balanyń aty-jóni – Baqytjan Qudaıqululy. Kórshi balanyń erjúrektigi men batyldyǵy eki búldirshinniń ómirin qutqarýǵa járdemdesti. «Balalardyń qoryqqany bolmasa, qazir jaǵdaıy qanaǵattanarlyq. О́rt bolǵan kezde úıde ata-anasy bolǵan joq. Mamandar órttiń sebebin anyqtaýda», deıdi departament ókili Madııar Eleýsizuly.
Qazir departament atynan Baqytjannyń barlyq qujattary vedomstvolyq nagradaǵa jiberilip jatyr.
Aıdana ShOTBAIQYZY,
«Egemen Qazaqstan»
