Oblystyq Tótenshe jaǵdaılar departamenti baspasóz qyzmetiniń bergen málimetterine súıensek, qazirgi ýaqytta óńirde qar shyǵarý, sý bógetterin, jaǵalaýlardy bekitý jumystary júrgizilýde. «Sınoptıkterdiń boljamynsha aımaqta qar qalyń bolǵanymen, onyń deńgeıi shekti normadan aspaǵan. Byltyrǵydaı qalyń toń joq. Oblystyń 74 eldi mekenin sý basý qaýpi bar ekendigi anyqtalǵandyǵymen, tasqynnyń aldyn alý jumystary júrgizilgennen keıin onyń 14-i bul tizimnen alyndy. 12 eldi mekende jaǵdaı turaqtaldy», - delingen departament taratqan málimette.
Aıtyp kelmeıtin tasqynǵa oblys qanshalyqty daıyn? Tehnıka jetkilikti me? 2018 jyly óńirdi qarǵyn sý qaptaǵan kezde oblys ákimi Danıal Ahmetovtiń «Tótenshe jaǵdaılar departamentiniń tehnıkalyq jabdyqtalýy óte tómen. Departamentte normatıv boıynsha bolýǵa tıis 249 kóshpeli motopompanyń tek 55-i, 69 qaıyqtyń 14-i, 1 myń gıdrokombınezonnyń 86-sy ǵana bar, 55 jol talǵamaıtyn kóliktiń birde bireýi joq» dep Úkimet basshysy Baqytjan Saǵyntaevtan kómek suraǵany esimizde. Bıyl departamenttiń jaǵdaıy birshama jaqsarǵan sekildi. «Byltyrǵy tasqyn maýsymynyń sońynda motopompanyń sany úsh esege kóbeıdi. Respýblıkalyq jáne oblystyq bıýdjet esebinen tehnıkalar jańartylyp, qutqarý qurylǵylary alyndy. Búginde departamentte 1000 adam qutqarý sharalaryna daıyn. 6 mobıldi top qurylǵan. 300 jol talǵamaıtyn kólik, 60-qa jýyq júzý qurylǵylary, 10 tikushaq pen 1 ushaq bar», - deıdi departamenttiń baspasóz qyzmetiniń mamany Anastasııa Sklıar.
Azamat QASYM,
«Egemen Qazaqstan»
Shyǵys Qazaqstan oblysy
