Memleket basshysy adamdar óziniń ómirlik mol tájirıbesin eskere otyryp, ósip kele jatqan jas býynǵa keńes berdi. Elbasynyń aıtýynsha, Qazaqstannyń jastary úshin barlyq «esik te, jol da» ashyq. Jastar búkil álemdegi qatarlastarymen aralasyp, bilim alýda, qalaǵan jerinde ómir súrýde.
«Sondyqtan jastar jastyq shaqtarynda eń aldymen irgeli bazalyq bilim alýǵa umtylýy tıis. Jastyq pen múmkinshilikterdi qaıdaǵy joq túrli kóńil kóterýge jumsamaǵany jón, olar sodan keıin de keledi. Eń aldymen, olar bilimdi adam bolýy tıis. О́ıtkeni, jahandyq básekelestik elderdiń ǵana emes, adamdardyń arasynda da júrip jatyr. Adamdar arasyndaǵy básekelestikte kim bilimdi bolsa, sol jeńiske jetedi» dedi Nursultan Nazarbaev.
Sonymen qatar Prezıdent jastar oqýdan keıin qaıda jumysqa ornalassa da, kez kelgen jumysta ózin jaqsy jaǵynan kórsete alýy tıistigin basa aıtady.
