Bala týǵannan keıin ol járdemaqyny taǵaıyndaýǵa ótinishi bildire alady. Bala týǵanda beriletin birretik memlekettik járdemaqy bıýdjetten bólinedi, onyń kólemi: birinshi balaǵa, ekinshi balaǵa, úshinshi balaǵa - 95 950 teńge, tórtinshi jáne odan kóp balaǵa –159 075 teńge.
2018 jyly osyndaı járdemaqyny 395 myń adam alǵan. Sońǵy 3 jylda bul járdemaqynyń kólemi 38%-ǵa ósti. 2019 jyly osy járdemaqyny tóleýge 42 mlrd teńge bólindi. Memlekettik áleýmettik saqtandyrý qorynan 1 jasqa deıin bala kútimi boıynsha beriletin tólemaqy 40% kóleminde sońǵy eki jyldaǵy ortasha tabysyna qaraı taǵaıyndalady. Bul tólemniń ortasha kólemi 2018 jyly aıyna 32 361 teńgeni quraǵan.
2018 jyly Memlekettik áleýmettik saqtandyrý qorynan barlyǵy 400 myń ata-ana 165 mldr teńge kóleminde ana men bala áleýmettik tólemaqysyn alǵan. Sonymen qatar, jumys isteıtin áıelderge 1 jasqa deıin bala kútimimen otyrǵan kezinde memleketpen mindetti zeınetaqy jarnasy sýbsıdııalanady. 2019 jyly sýbsıdııalandyrýǵa 5,8 mlrd teńge bólingen.
