- Gran-prı kezeńinen medal alý úshin bir upaıym kem boldy. Men skıtte sheberligimdi shyńdap júrmin, bul Olımpıada oıyndarynyń baǵdarlamasyna enedi. Kýveıtte barlyǵy jaqsy uıymdastyryldy. Tek fınalda qatty jel soǵyp, keri áserin tıgizdi. Áıtpese, júldege talasýdyń reti kelgen edi.
Kez-kelgen sportshy sekildi, meniń de Olımpıada oıyndaryna qatysqym keledi. Tórtjyldyq oıyndaryna joldama alý qıyn bolsa da, tyrysyp baǵamyn. Bizdiń sportta lısenzııa álem jáne Azııa chempıonaty, sondaı-aq, álem kýbogi kezeńderinde sarapqa salynady. О́z basym sary qurlyq chempıonatynda osy maqsatymdy oryndasam degen oıdamyn. Alaıda, ońaı bolmasy sózsiz. О́ıtkeni. Azııa chempıonatynda bir ǵana joldama oınatylady. Azııada bizdiń basty qarsylastarymyz Qytaı, Kýveıt, Taıland,Katar, Ońtústik Koreıa sportshylary bolmaq.
Stend atý sporty elimizde úlken tanymaldyqqa ıe emes. О́zim Almaty oblysy, Ile aýdany, Yntymaq aýylynda týyp óstim. Stend atatyn alańqaı bizdiń úıge jaqyn ornalasqan. Alǵashqy áskerı daıyndyq sabaǵynan beretin ustazymyz stend atýdy úıretti de, meniń qyzyǵýshylyǵym oıandy. 2015 jyldan beri ulttyq qurama sapynda túrli jarystarǵa qatysyp júrmin. Kýveıttegi Gran-prı dodasymen birge oqý-jattyǵý jıyndary da aıaqtaldy. Endi jospar boıynsha kelesi týrnırge daıyndalamyz, - deıdi Ásem Orynbaı.
Eske sala keteıik, Kýveıttegi Gran-prı týrnırinde qazaqstandyq Olga Panarına qola medal jeńip aldy.
