Tekseristiń basty maqsaty – áskerı bólimderdiń jaýyngerlik daıarlyǵy men jaýyngerlik ázirlik deńgeıin baǵalaý. Osy ýaqytta, óńirdegi bes áskerı bólim tekseristen ótti, onyń ishinde «Batys» óńirlik qolbasshylyǵy áskerleri qolbasshysynyń Basqarmasy bar.
Tekseristi tolyqqandy jáne jan-jaqty ótkizý úshin teorııalyq testileýler men is júzindegi synaqtar qabyldandy. Testileý jalpyáskerı jarǵylar, jedel daıarlyq óneri, memlekettik-quqyqtyq daıyndyq, tehnıkalyq daıyndyq jáne memlekettik qupııalardy saqtaý pánderinen ótti. Sonymen qosa, ofıserler men kelisimshart boıynsha áskerı qyzmetshiler, sarbazdar ózderiniń joǵary jaýyngerlik daıarlyǵyn dene jáne atys jattyǵýlaryn oryndaý barysynda dáleldep shyqty. Tekseriske «generaldan sońǵy sarbazǵa deıin» túgel qatysty.
Qorǵanys Mınıstrligi Bas ınspeksııasy jumysyndaǵy mańyzdy sátterdin biri, túrli deńgeıdegi jaýyngerlik ázirlik jaǵdaıyna keltirgen kezdegi tájirıbelik is-áreketterdiń úlesimdiligi boldy. Máselen, «Batys» óńirlik qolbasshylyǵynyń Basqarmasy jaýyngerlik daıarlyqtyń joǵary dárejesine keltirilip, 25744, 51051-K jáne 41321 áskerı bólimderimen birge Atyraýdaǵy «Karabatan» jáne Aqtaýdaǵy «Oımasha» oqý polıgondaryna shyǵaryldy. О́ńirlik qolbasshylyqtyń qolbasshysyna batys strategııalyq baǵytynda arnaıy áskerı is-qımyldardy ótkizýge uıǵarym berildi.
Qorǵanys Mınıstrligi Bas ınspeksııasynyń elimizdiń batysyndaǵy jumysy naýryz aıynyń basyna deıin jalǵasady, bul aralyqta aımaqtaǵy barlyq áskerı bólimder men qurylymdar tekseristen ótip, sáıkes baǵasyn alady.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
