Usynylǵan málimetterge sáıkes, bıylǵy qańtar-aqpan aılarynda ónerkásip óndirisi – 2,7 paıyzǵa, aýyl sharýashylyǵy – 3,6 paıyzǵa, qurylys – 2 paıyzǵa, qyzmet kórsetý salasy – 3,9 paıyzǵa ósken. Ekonomıkanyń túrli salalarynyń da jaqsara túskeni baıqalady.
Qazaqstan Prezıdenti Ult jospary aıasyndaǵy qurylymdyq jáne ınstıtýsıonaldyq reformalardy, sondaı-aq Tuńǵysh Prezıdent – Elbasynyń joldaýlary men tapsyrmalarynda qamtylǵan áleýmettik saladaǵy sharalardy sapaly júzege asyrýdy, bıýdjet qarajatyn tıimdi ıgerý turǵysynan negizgi memlekettik baǵdarlamalardy oryndaýdy, ekonomıkany ártaraptandyrý jónindegi jumystardy jalǵastyrýdy, elimizdiń jekelegen aımaqtarynda sý tasqynyna tosqaýyl qoıý sharalaryn jedel qabyldaýdy tapsyrdy.
Premer-Mınıstr Memleket basshysyna Úkimet tarapynan bıýdjettik mindettemeler men áleýmettik bastamalardyń barlyǵynyń tolyqtaı oryndalýyn qamtamasyz etip, áleýmettik mańyzy bar taýarlarǵa baǵanyń negizsiz ósýin boldyrmaý jáne ekonomıkalyq ósimniń sapasyn arttyrý úshin tıisti jumystardy jalǵastyra beretinin jetkizdi.
Kezdesý qorytyndysy boıynsha Qazaqstan Prezıdenti birqatar naqty tapsyrma berdi.
