Obama ma, álde Romnı me?

Sársenbi, 7 qarasha 2012 7:29

Gazet oqyrmandar qolyna tıgenshe, AQSh-taǵy prezıdenttik saılaý da máresine jetip úlgeredi. Saılaýǵa bir kún qalǵanda AQSh prezıdenti Barak Obama óziniń básekelesi, respýblıkalyq kandıdat Mıtt Romnıden eki pýnkt ozyq turǵan bolatyn.

Sársenbi, 7 qarasha 2012 7:29

Gazet oqyrmandar qolyna tıgenshe, AQSh-taǵy prezıdenttik saılaý da máresine jetip úlgeredi. Saılaýǵa bir kún qalǵanda AQSh prezıdenti Barak Obama óziniń básekelesi, respýblıkalyq kandıdat Mıtt Romnıden eki pýnkt ozyq turǵan bolatyn.

Qolymyzdaǵy sońǵy málimetterge qa­raǵanda, alǵashqy ashylǵan saılaý ýchaske­lerinde is basyndaǵy prezıdent Barak Obama jeńiske jetken. Biraq bul demokrattyń aty barlyq jerde birdeı ozyp keledi degen sóz emes. Sarapshylardyń paıymdaýlarynsha, osy jolǵy saılaý buryn-sońdy bol­ma­ǵan teketirespen ótse, bir úmitker ekinshi­sin sál ǵana basymdyqpen jeńetin bolady.

Eki ıadrolyq reaktoryn toqtatady

Ońtústik Koreıa qosalqy bólshekteriniń sapasyzdyǵyna baılanysty eki ıadrolyq reaktoryn toqtatatynyn habarlady. Bul sheshim dereý oryndalýy tıis. Sóıtip, reaktorlar 2013 jyldyń qańtaryna deıin qańtarylyp turatyn bolady. Osy aralyqta ınjenerler reaktordyń kóptegen kónergen bólshekterin aýystyryp úlgerýi tıis.

Ońtústik Koreıa ekonomıka mınıstri Hong Sýk Vý reaktorlardy jabý búkil qys mez­gilinde elektr qýatynyń buryn-sońdy bolma­ǵan tapshylyǵyna alyp keletinin málimdedi. Sondaı-aq, ol prokýratýra jasandy bólshek­ter satqandarǵa qarsy tekserý júrgizetinin atap ótken. Iongvandaǵy atom elektr stansasy 1979 jyldan beri paıdalanylyp keledi. Bú­gin­gi tańda Ońtústik Koreıada 23 ıadrolyq reaktor jumys isteıdi. Olar elge qajetti elektr qýatynyń úshten birin qamtamasyz etedi. 2030 jylǵa deıin taǵy 16 reaktor paıda­lanýǵa beriletin bolady.

Palestınalyq atyp óltirildi

Izraıl áskerıleri Gaza sektorymen shekarada Pales­tına turǵynyn atyp óltirgen. Oqıǵa jeksenbi kúni keshkisin oryn alǵan. Áskerıler býferli aımaqqa kirgen adamdy baıqap qalyp, oǵan toqta degen belgi bergen. Oǵan qulaq aspaǵannan soń avtomattan oq atqan.

Palestınalyq medıkterdiń aıtýlarynsha, býferli aımaqqa kirýge ruqsat alý úshin birneshe saǵat kútýge týra kelgen. Sol ara­lyqta palestınalyq alǵan jaraqattarynan kóz jumǵan. Eger kómek der kezinde kórsetilgende, palestınalyqty aman alyp qalýǵa ábden bolady eken. Qazan aıynyń sońynan beri Izraıl men Palestına avtonomııasy arasyndaǵy ahýal osylaısha ýshy­ǵyp ketip otyr.

Qysqa qaıyryp aıtqanda:

 Grýzııanyń ortalyq bóligindegi Ksanı kentindegi túrmedegiler túzeýmekemesiniń basshylyǵyn aýystyrýdy talap etip, aýyzdaryn tigiptastaǵan. Bul týraly quqyq qorǵaýshy Georgıı Lordkıpanıdzejarııalady.

  Reseı Federasııasy kommýnıstik partııasynyń Volgograd bólim­shesiStalıngrad bólimshesi bolyp qaıta atalatyn boldy. Mundaı sheshimdibólimshe jetekshisi Nıkolaı Parshın qabyldasa, partııa kóse­mi GennadııZıýganov ony qoldaǵan.

  Daǵystannyń Býınak qalasynda polısııa avtomobıli jaryp jiberildi. 4 qarasha kúni keshkisin «VAZ-2107» avtomobıliniń astyna bekitilgen jarylǵysh qurylǵy iske qosylyp, jarylǵysh júr­gizýshi polıseıdiń eki aıaǵyn julyp ketken.

   Sırııanyń Hama qalasynda búlikshiler úkimet áskerleri men olar­dyń jaqtastary tobyn qırata óltirgen. «Frans-press» agenttiginiń habarlaýynsha, mına qoıylǵan avtokólik jarylysynan 50 áskerı qyzmetshi men úkimet jaǵyndaǵy jasaq ókilderi opat bolǵan.

«Tájik shpıondary» sottaldy

О́zbekstanda kórshi Tájikstan memleketiniń paıdasyna shpıondyqpenaınalysqan dep aıyptalǵan 4 adam sottaldy. О́zbek jaǵynyń aıtýynsha,atalǵan adamdar qupııa aqparat jınaýmen aınalysqan. Sot olardy 14jyldan 20 jylǵa deıin bas bostandyqtarynan aıyrý týraly úkimshyǵardy.

О́zbek jaǵynyń málimdeýinshe, «shpıon­dyq jelini» Tájikstannyń burynǵy dıp­lomatııa­lyq ókili Bahtıbek Nazarhýdoev pen Tájikstan ulttyq qaýipsizdik komı­tetiniń bu­rynǵy ókili Abdýllo Nazarov uıymdas­tyrypty. Jalpy, sońǵy birneshe jyl bede­rinde О́zbekstan men Tájikstanda shpıondyq jasady degen aıyppen ondaǵan adam túrmege qamalǵan. Máselen, byltyr О́zbekstanda Tájikstan azamaty Saıdkýl Ashýrov 20 jylǵa sottalsa, odan 1 jyl buryn Tájikstanda ózbekstandyq Boımýrod Anarov uzaq jyl túrmede otyrýǵa kesilgen bolatyn.

Asyǵystyq san soqtyrar edi

Izraıldiń Channel 2 telearnasy 2010 jyly Izraıldiń Irannyń ıadrolyq nysandaryna shabýyl jasaýǵa daıyndalǵany týraly jýrnalıstik zertteý boıynsha habar kórsetti.

Jýrnalısterdiń derekterine qaraǵanda, Izraıl premer-mınıs­tri Benıamın Netanıahý men qorǵanys mınıstri Ehýd Barak Iran aýmaǵyndaǵy ıadrolyq nysandarǵa soqqy berý yqtımal­dy­ǵyna oraı armııany joǵary áskerı daıyndyqqa keltirý týraly buıryq bergen. Bul bastamany «Mossad» syrtqy barlaý qyzme­tiniń sol kezdegi basshysy Meır Dagan men Izraıl qorǵanys mınıstrliginiń sol kezdegi shtab bastyǵy Gabı Ashkenazı zańsyz dep atapty. Osylaısha eldiń saıası jáne áskerı basshylyǵy arasyndaǵy ustanym qaıshylyǵynan Iranǵa qarsy operasııa toqtatylsa kerek.

Tárkilengen kokaın 1,5 tonna

Venesýelanyń ulttyq gvardııasy 1,5 tonna kokaın alyp kele jatqan júk kóligin kámpeskelegen. Jergilikti bıliktiń habarlaýyna sáıkes, júk kóligi eldiń batysyndaǵy Lara shtatynda toqtatylǵan. Kóliktegi kokaın Kolýmbııada ázirlengen eken. Kólik júrgizýshisi Venesýela azamaty tutqynǵa alynypty.

Jalpy, Venesýela esirtki tasymal­daý­daǵy negizgi ótkel bolyp tabylady. Kolýmbııa men Perýde, Soltústik Amerıkada daıyn­dal­ǵan esirtkiler jer júzine osy Venesýela arqyly taraıdy. Osyǵan oraı Vashıngton Venesýela prezıdenti Ýgo Chavesti esirtkige qarsy kúreste asa belsendilik tanytpaı otyr dep ylǵı aıyptap keledi. Bul aıyptaýlardyń saıası astary da bar ekeni kúmán týǵyzbaıdy.

Internet materıaldary negizinde ázirlendi.