Spıkerler «7-20-25». Árbir otbasyna baspana alýdyń jańa múmkindikterin berý» Baǵdarlamasy týraly baıandap, jýrnalısterdiń suraqtaryna jaýap berdi.
Jıynǵa qatysýshylar Qazaqstan Ulttyq Banki 10 negizgi mindet aıqyndalǵan 2019 jylǵa arnalǵan makroekonomıkalyq saıasat sharalaryn úılestirý týraly kelisimge QR Úkimetimen birge qol qoıý boıynsha bastama jasaǵanyn, mindetterdiń biri ekonomıkany damytýdy qarjylyq qoldaýdyń memlekettik baǵdarlamalaryn iske asyrý bolyp tabylatynyn, atalǵan josparlardy júzege asyrý sheńberinde Úkimet jáne Qazaqstan Ulttyq Banki «Nurly jer» jáne «7-20-25» turǵyn úı baǵdarlamalarynyń jumysyn iske asyrýdy jalǵastyratynyn atap ótti. Atap aıtqanda, Úkimet qoljetimdi turǵyn úı usynysyn ulǵaıtý jónindegi sharalardy qabyldaıdy. Ulttyq Bank óz kezeginde «7-20-25» baǵdarlamasyn qarjylandyrýdy jalǵastyrady.
Osy turǵyn úı baǵdarlamalaryn iske asyrý bıýdjettik, sol sııaqty jeke qarjylandyrý kózderin tarta otyryp, halyqtyń túrli toptaryn qoljetimdi turǵyn úımen qamtamasyz etýge múmkindik beredi.
«7-20-25». Árbir otbasyna baspana alýdyń jańa múmkindikterin berý» ıpotekalyq Baǵdarlamasy júzege asyryla bastaǵannan beri 2019 jylǵy 28 naýryzdaǵy jaǵdaı boıynsha Jambyl oblysynyń seriktes bankteri 1,19 mıllıard teńge somasyna 149 ótinim qabyldady. Olardyń ishinde 611,4 mıllıon teńge shamasyna 75 ótinim maquldandy jáne 536,5 mıllıon teńge somasyna 64 kredıt berildi. Taraz qalasynda «Taraz» áleýmettik-kásipkerlik korporasııasy ǵımaratynyń birinshi qabatynda «7-20-25» baǵdarlamasy boıynsha aqparattyq ortalyq ashylǵany jáne bul jerde seriktes bankterden baǵdarlama sheńberinde turǵyn úı alý boıynsha keńes alýǵa bolatyny belgili. Sonymen qatar, atalǵan ortalyqta «Nurly jol» baǵdarlamasy boıynsha «Araı» yqsham aýdanynda jáne «Nurly jer» baǵdarlamasy boıynsha 15 yqsham aýdanda turǵyzylǵan úılerdi ótkizýdi usynatyn Jambyl oblysy Energetıka jáne turǵyn úı kommýnaldyq sharýashylyq basqarmasy ókilderi bar», deıdi Evgenıı Sharygın.
Hamıt Esaman,
«Egemen Qazagstan»
Jambyl oblysy
