Brıfıngte
basqarma basshysy Q.Abeldınov jyl basynan beri arnaıy monıtorıngtik top
múshelerimen jáne jurtshylyqpen birlesip Mańǵystaý oblysy boıynsha Eńbek,
áleýmettik qorǵaý jáne kóshi-qon departamentiniń, oblystyq jumyspen qamtýdy
úılestirý jáne áleýmettik baǵdarlamalar basqarmasynyń qyzmetindegi sybaılas
jemqorlyq táýekelderine júrgizilgen syrtqy taldaý nátıjelerine toqtalyp ótti.
Taldaý barysynda sybaılas jemqorlyq táýekelderi boıynsha birqatar kemshilikter
anyqtaldy.
Negizgi sybaılas jemqorlyq táýekelderi sheteldik jumys kúshin tartýǵa arnalǵan kvotany qalyptastyrý jónindegi komıssııanyń qyzmetinde anyqtaldy.
Qazaqstan
Respýblıkasynda shetel jumys kúshin tartý jáne olardy Qazaqstan Respýblıkasynyń
óńirleri arasynda bólý týraly Erejesiniń (QR Úkimetiniń 15 jeltoqsan 2016 jylǵy
№ 802 Qaýlysymen bekitilgen) 9 jáne 10 tarmaqtaryna sáıkes, Komıssııa sheshimi
jumys berýshiniń árbir ótinishine qatysty bólek qabyldanady, hattamamen
rásimdeledi jáne otyrysqa qatysqan Komıssııa músheleriniń qoly qoıylady.
Shetel jumys kúshin qajet etýi múmkin jumys berýshilerdiń suranymdary Komıssııa
tarapynan tolyqtaı nemese ishinara eńbek resýrstary esebinen jumys kúshine
qajettilikti, sonymen birge jumyssyz azamattardy, ózdiginen jumys jasaıtyndardy
daıarlaý, qaıta daıarlaý jáne biliktiligin kóterý arqyly da qanaǵattandyrý
múmkindigi bolǵan kezde qabyldanbaýy múmkin.
Aıta ketý qajet, Mańǵystaý oblysynda Ekonomıkalyq qyzmet túrleri boıynsha sheteldik jumys kúshin tartýǵa kvota 5638 birlikti quraıdy.
Alaıda, shetel jumys kúshin tartýǵa ruqsat berý barysynda jumys berýshilerge basqarma janyndaǵy komıssııa tarapynan júıeli túrde Erejeniń 10-tarmaǵy saqtalmaıdy.
Iаǵnı, shetel jumys kúshin tartý zańdylyǵy kúmán týǵyzady.
Taldaý barysynda anyqtalǵan sybaılas jemqorlyq táýekelderi boıynsha tıisti jumystar júrgizilýde.
Agenttiktiń aýmaqtyq departamenti memlekettik organdar men kvazımemlekettik sektor qyzmetindegi sybaılas jemqorlyq táýekelderine syrtqy taldaý júrgizýdi aldaǵy ýaqytta jalǵastyratyn bolady.
Sybaılas jemqorlyq táýekelderine syrtqy taldaý júrgizý úshin mamandar men sarapshylardy tarta otyryp, jumys toptary quryldy. Osyǵan baılanysty aýmaqtyq departament barlyq múddeli tulǵalardy sybaılas jemqorlyq táýekelderin syrtqy taldaýǵa qatysýǵa shaqyrady.
Aldaǵy ýaqytta «KazAvtoJol» AQ; Mańǵystaý oblysynyń dene shynyqtyrý jáne sport basqarmasy, «Ulttyq olımpıadalyq komıteti»; Medısınalyq baǵyttaǵy dári-dármek saraptamasy jáne medısınalyq tehnıka ulttyq ortalyǵynda sybaılas jemqorlyq táýekelderine taldaý júrgiziledi.
Sonymen birge, aýmaqtyq departament ókili E.Jumabaıdyń aıtýynsha, «Bıznes jáne ınvestısııalardy qorǵaý» jobasy sheńberinde jalpy somasy 1 trln 258 mlrd 610 mln 212 myń teńgeni quraıtyn 18 kompanııanyń ınvestısııalyq jobalary sybaılas jemqorlyqqa qarsy súıemeldeý jumystary júrgiziledi. Qazirgi tańda jobalyq keńsege 33 ótinish túsip, 31-i oń nátıjemen sheshildi, al ekeýi qaralýda.
Mańǵystaý oblysy
