Osy oraıda ótken jyly Aqtóbe oblysynda «Aýyl qamqorshysy» atty biregeı jobany júzege asyrý qolǵa alynǵan bolatyn. Sol kezde «Atameken» ulttyq kásipkerler Palatasynyń óńirdegi bólimshesi bastamashy bolǵan jobaǵa Aqtóbe oblystyq ákimdigi de ájeptáýir qoldaý kórsetkeni umytla qoıǵan joq. Sátimen bastalǵan ilkimdi istiń alǵashqy nátıjeleri de kóńilge qonǵandaı edi. Buǵan ótken jyly óńirdegi shaǵyn jáne iri deńgeıdegi bıznes ókilderi 2 mıllıard teńgeden astam qarajat jumsaǵany tolyq dálel.
Sondaı-aq qazirgi qolymyzda bar derekter «Aýyl qamqorshysy» jobasyn odan ári jalǵastyrý úshin bıyl oblys aýmaǵyndaǵy 199 eldi-mekende 344 jobany iske qosý josparlanǵanyn kórsetedi. Osy derekterge aýylǵa qarjylaı qoldaý kórsetein bıznes ókilderi men mesenattardyń jalpy sany da kórsetilgen. Naqty aıtqanda olardyń qatary 289 adam bolyp otyr. Iаǵnı aýyl qamqorshylarynyń osynaý úlken toby bıylǵy jyly oblystyń eldi-meknderinde quny 2 mıllıard 600 mıllıon tengege teń áleýmettik-turmystyq baǵyttaǵy nysandardy paıdalanýǵa berýi kózdelgen. Mine, týǵan aı týraǵan etpen birdeı degendeı bıylǵy 2019 jyldyń alashqy toqsany da artta qalyp, kúntizbemizge sáýir aıy da kelip ornyqty. Osyndaıda búgingi naqty istiń jaı-kúıi qandaı degen saýal eriksiz týyndaıdy. Biz kókeıdegi oı-pikirimizdi «Atameken» ulttyq kásipkerler Palatasy Aqtóbe oblystyq bólimshesiniń tóraıymy Anar Darjanovaǵa jetkizgen edik. Ol qapelimde «Aýyl qamqorshysy» jobasyna qatysty ne dep jaýap qaıtararyn bilmeı, sál tosylyp qaldy da, sodan soń Palata bólimshesiniń bir otyrysynda bul másele qaralǵanyn aıtyp berdi. Áıtse de, atamekendikterdiń sol basqosýynda naqty qandaı sheshim alynǵany da tóraıym tarapynan aıtylmaı qaldy. Joǵaryda aıtylǵandaı aýylǵa qamqorlyq kórsetýdi kózdegen 289 bızes ókili qaıda júr? Sanamyzǵa qonaqtaǵan saýaldyń bir tórkini osyndaı boldy. Sóıtip, A.Darjanovamen birge olardyń derekterin bilýge talpynys jasaǵanymyzben, bul áreketimiz de tıisti nátıje bere qoımady. Arada taǵy da birneshe kúnder men aptalar ótti. Osy ýaqyttyń aralyǵynda «Atamekenniń» aımaqtaǵy bas ókiline qaıta-qaıta saýal salýmen boldyq. Áıteýir bir kúni ol Temir aýdanynda О́mirbaı Jaılyshev degen el azamaty 150 oryndyq balalar baqshasyn salýǵa bel býǵanyn aıtyp berdi. Anar Jarjanovanyń jón silteýi boıynsha ony Temir aýdany ákiminiń orynbasary Marat Muńaıtpasov arqyly taýyp alyp, bastaǵan qadamyna sát-sapar tiledik.
Alaıda О́.Jaılyshevtiń málimdeýinshe oǵan balalar baqshasy ǵımaratyn turǵyzý úshin bólingen jer aýmaǵy tarlyq etedi eken. Sondyqtan ol bul másele túbegeıli sheshimin tapty dep aıtýǵa bolmaıtynyn jetkizdi. Buǵan jer mamandary men sáýletshiniń túbegeıli sheshimi kerek eken. Onyń ústine dál osy jer telimi tusynan «Qazaqtelekomnyń» jerasty baılanys jelileri ótetin kórinedi. Men úshin munyń ózi de kádimgideı qolaısyzdyq keltirp tur deıdi О́mirbaı Jaılyshev.
Áıtse de osy arada «Aýyl qamqorshysy» jobasyna oraı oń mysal aıtýdyń da oraıy kelip turǵandaı. Iаǵnı qazirgi kezde óńirge belgili kásipker, «Naýryz-SIN» JShS-nyń dırektory Ibragım Sársenbaev «Aýyl –el besigi» men «Aýyl qamqorshysy» áleýmettik jobalary sheńberinde shalǵaıdaǵy Yrǵyz aýdanynda balalar sport keshenin salýdy qolǵa alypty. Bul úshin ol óz esebinen 20,5 mıllıon teńge qarajat bólipti. Áıtse de qazirgi kúni mundaı mysaldyrdyń saýsaqpen sanap alarlyqtaı az ekeni de aıqyn kórinedi.
Atalǵan jobalar joǵaryda aıtylǵandaı aýyldyq aýmaqtardy qaıtadan jańǵyrtýǵa septigin tıgize alýymen qundy. Tutastaı alǵanda oblysta ótken jyly qolǵa alynǵan «Aýyl qamqorshysy» jobasynyń qarqyny báseńdep qalǵany qynjyltpaı qoımaıdy. Eshten de kesh jaqsy demeı me, halqymyz. Týǵan jeri aldyndaǵy qaryzy men paryzyn umytpaı, týǵan topyraǵyna janashyr bola biletin azamattar bul iske taǵy da bet bursa -«Aýyl qamqorshysy» jobasy qaıtadan tik turyp ketetinine eshqadaı kúmán joq.
AQTО́BE
