Birinshi kommýnaldyq senbilikke turǵyn úı qorynyń 257 qyzmet kórsetý uıymy men birqatar shaǵyn jáne orta bıznes kásiporny qatysty, dep habarlady qala ákiminiń orynbasary Arman Turlybek feısbýktegi paraqshasynda.
«Barlyq turǵyndardy 20 sáýir men 11 mamyr aralyǵynda ótetin jalpy qalalyq senbilikterge qatysýǵa shaqyramyz. Bizdiń qoǵamdy qala kóshelerinde tazalyqty saqtaýǵa jáne ekologııalyq mádenıetti qalyptastyrýǵa úıreteıik. Senbilikten #trashtag heshtegi astynda vırýsty foto men qalanyń jańa trendin jasańyz», – dep ol qala turǵyndaryn senbilikke atsalysýǵa shaqyrdy.
26 naýryzdan 26 mamyrǵa deıin ótetin kóktemgi jalpyqalalyq aksııa barysynda qalany sanıtarlyq tazalaý, kóshelerdi, trotýarlardy jáne oramishilik aýmaqtardy tazalaý, aǵashtar otyrǵyzý, nóserlik jáne aryq-naýalyq káriz jelilerin tazalaý, saıabaqtar, gúlzarlar men ruqsat etilmegen qoqys tastaıtyn jerlerdi joıý josparlanǵan.
