Ulttyq komıssııa ókiliniń málimetine súıensek, Qazaqstan qazirgi tańda genderlik kórsetkishter boıynsha Ortalyq Azııada kósh bastap tur. 1999 jyldan beri Ulttyq komıssııanyń qoldaýymen «Qazaqstannyń áıelderi men erleri» statıstıkalyq jınaǵy shyǵaryla bastady. Jınaq – ulttyq genderlik saıasattyń mańyzdy resýrstarynyń biri. Ol áıelderdi, balalardy jáne otbasyn qoldaý men damytýǵa baǵyttalǵan barlyq máselelerge qatysty málimetterge negizdelgen.
2019 jylǵy 1 qańtardaǵy statıstıkalyq derekterge sáıkes, Qazaqstan halqynyń sany 18,4 mln. Sonyń ishinde 9,5 mln-y – áıelder. Búginde Qazaqstanda 4 mln-nan astam otbasy bar, onyń 340 myńnan astamy kóp balaly otbasylar. Kóp balaly otbasylardyń 132 606-sy – qalalyqtar, al 207 771-i aýylda turady.
Otyrysta sonymen qatar elimizdegi 2030 jylǵa deıingi otbasylyq jáne genderlik saıasat tujyrymdamasyn iske asyrý boıynsha 2017-2019 jyldarǵa arnalǵan is-sharalar josparynyń Aqmola oblysynda oryndalý barysy talqylandy. Atalǵan oblys ákiminiń orynbasary Aına Ermekqyzy óńirde qabyldanyp otyrǵan sharalardyń nátıjesinde ana men bala óliminiń azaıǵanyn jáne sáıkesinshe halyqtyń ósimi baıqalatynyn aıtty. 2018 jyly bala óliminiń kórsetkishi 15,4 paıyzǵa azaıǵan.
Budan bólek, Ulttyq komıssııa músheleri Beıjiń deklarasııasy men is-áreketter tuǵyrnamasyn júzege asyrý boıynsha BUU-nyń salalyq komıtetine joldanatyn Ulttyq sholýdyń jobasymen tanysty.
Otyrys sońynda G.Ábdiqalyqova memlekettik organdar men jaýapty vedomstvo ókilderine birqatar naqty tapsyrmalar berdi.
«Egemen Qazaqstan»
