Osy rette etnıkalyq qazaqtardyń zeınetaqy tólemderiniń eńbek ótilin esepteýdegi sharalar tıimdiligin kórsetip, qoldanystaǵy zańnamalarǵa ózgerister men tolyqtyrýlar engizilgen. Desek te, kóptegen azamattar zań sheńberinde júzege asatyn is-qımyldardyń baıybyna bara bermeıdi. Sondyqtan da aqparattardyń júıeli jarııalanyp otyrýy sala mamandarynyń da, kókeıtesti máseleni arqalap júrgen azamatqa da tıgizer paıdasy zor.
Eńbek, áleýmettik qorǵaý jáne kóshi-qon komıtetiniń Almaty qalasy boıynsha Departamentiniń № 2 zeınetaqy jáne áleýmettik qamsyzdandyrý bóliminiń bas mamany Dınara Qýanqanovanyń aıtýynsha, «Qazaqstan Respýblıkasynda zeınetaqymen qamsyzdandyrý týraly» Qazaqstan Respýblıkasynyń 2013 jylǵy 21 maýsymdaǵy № 105-V Zańynyń 13-babynyń 1-tarmaǵyna sáıkes, tarıhı otanynda turaqty turý maqsatynda kelgen etnıkalyq qazaqtardyń kelgen memlekettegi eńbek qyzmeti zeınetaqy tólemderin taǵaıyndaý kezinde esepke alynatyn bolady.
«Halyqtyń kóshi-qony týraly» Qazaqstan Respýblıkasynyń 2011 jylǵy 22 shildedegi № 477-IV Zańynyń (budan ári – Zań) 1-babynyń 28 tarmaqshasyna sáıkes, etnıkalyq qazaq – shetelde turaqty turatyn ulty qazaq sheteldik nemese azamattyǵy joq adam.
Aıta keterligi, atalǵan Zańnyń 3-babyna sáıkes, Qazaqstan Respýblıkasynyń aýmaǵyna kelý jáne Qazaqstan Respýblıkasynyń aýmaǵynda bolý maqsatyna qaraı kóship kelýdiń mynadaı negizgi túrleri bar: - tarıhı otanyna oralý maqsatynda;
- otbasyn biriktirý maqsatynda; - bilim alý maqsatynda; - eńbek qyzmetin júzege asyrý maqsatynda; - gýmanıtarlyq jáne saıası ýájder boıynsha.
Eńbek ótilin esepke alý normasy, shet eldegi tarıhı otanyna (Qazaqstan Respýblıkasyna) turaqty turý maqsatynda kelgen etnıkalyq qazaqtarǵa qatysty.
Atalǵan normalardy júzege asyrý úshin, «Memlekettik bazalyq zeınetaqy tólemin bıýdjet qarajaty esebinen berý, sondaı-aq jasyna baılanysty zeınetaqy tólemderin, múgedektigi boıynsha, asyraýshysynan aırylý jaǵdaıy boıynsha beriletin memlekettik áleýmettik járdemaqylardy, memlekettik arnaıy járdemaqylardy taǵaıyndaý jáne júzege asyrý qaǵıdalaryn bekitý týraly» Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 14 sáýirdegi № 223 buıryǵyndaǵy, eńbek ótilin rastaıtyn qujattardyń tizbesi, turaqty turý maqsatymen kelgen etnıkalyq qazaqtardyń turǵan jerindegi eńbek qyzmetin rastaıtyn qujatpen tolyqtyryldy.
О́tinish berýshiniń eńbek ótilin rastaıtyn qujattarǵa: eńbek kitapshasy; eńbek kitapshasy joq nemese jaramsyz bolsa, eńbek kitapshasynda tıisti jazbalar, naqtylyq bolmasa, túzetýler jáne oqylýynda ártúrlilik bolsa arhıv mekemelerinen nemese jumys ornynan anyqtamalar, memlekettik arhıvtiń nemese vedomstvolyq arhıvtiń ýákiletti qyzmetkeriniń elektrondyq sıfrlyq qoltańbasymen kýálandyrylǵan arhıvtik qujattyń elektrondyq kóshirmeleri nemese jumys ornynan anyqtamalar; áskerı bılet nemese qorǵanys isteri jónindegi basqarmanyń (bólimniń) anyqtamasy jatady.
Atalǵan qujattardyń shet elde berilgendigin eskere otyryp, bir tilden ekinshisine aýdarmanyń durystyǵy «Notarıat týraly» Qazaqstan Respýblıkasynyń 1997 jylǵy 14 shildedegi №155 Zańynyń 34 babynyń, 9 tarmaqshasyna sáıkes kýálandyrylýy kerek.
Zańnamaǵa engizilgen ózgeristerge baılanysty, zeınetkerler 1998 jyldyń 1 qańtaryna deıingi eńbek ótili týraly qosymsha qujattardy «Azamattarǵa arnalǵan úkimet» memlekettik korporasııasyna usynǵan ýaqyttan bastap, jasyna baılanysty jáne memlekettik bazalyq zeınetaqy tólemderiniń mólsheri qaıta esepteledi.
