Qazaqstan Respýblıkasy Prezıdentiniń Arhıvinde arhıvtaný jáne is júrgizýdi uıymdastyrý boıynsha IV qalalyq stýdenttik olımpıada bolyp ótti. Olımpıada Jastar jyly jáne «Arhıv – 2025» memlekettik baǵdarlamasy aıasynda stýdentterdiń shyǵarmashylyq qabiletimen qatar, arhıvshy jáne qujattanýshy mamandyǵynyń mańyzdylyǵyn arttyrýǵa baǵyttalǵan.
Is-sharanyń alǵysózinde Qazaqstan Respýblıkasy Prezıdenti Arhıviniń dırektory Jámılá Ábdiqadyrova olımpıadanyń ótkizilýi QR Tuńǵysh Prezıdenti N.Á. Nazarbaevtyń «Uly dalanyń jeti qyry» atty baǵdarlamalyq maqalasyn iske asyrý jáne Jastar jyly sheńberinde stýdentterdiń ǵylymǵa belsendiligin damytý jáne olarǵa bolashaqta arhıv mamandyǵy boıynsha jumys jasaýǵa yqpal etý maqsatynda ótkizilip otyrǵanyn atap ótti.
Prezıdent Arhıviniń sarapshysy Symbat Shaıjanovanyń aıtýynsha, Prezıdent Arhıvinde joǵary oqý ornynyń túlegi kásibı baǵdar alýy úshin kóp jumystar atqarylýda: tarıh fakýltetteriniń stýdentteri úshin óndiristik tájirıbe ótkizilip, Arhıv oqý zalynda arhıvtik qujattar negizinde kýrstyq jáne dıplomdyq jumystaryna zertteý jumystaryn júrgizedi.
Olımpıadaǵa ál-Farabı atyndaǵy Qazaq Ulttyq ýnıversıteti, Abaı atyndaǵy Qazaq Ulttyq Pedagogıkalyq ýnıversıtetiniń Tarıh, arhıvtaný, qujattardy júrgizý jáne basqarýdy qujattamalyq qamtamasyz etý, fılologııa mamandyqtary stýdentterinen quralǵan 6 komanda qatysty.
Olımpıadanyń basynda jerebe tastalyp, komanda kapıtandary tańdaǵan nómir boıynsha óner kórsetti. Alǵashqy týr «Tanystyrý» dep atalyp, onda stýdentter komanda ataýy men emblemasyn jáne onyń múshelerin tanystyrdy. Al «Úı tapsyrmasy» dep atalatyn ekinshi týrda stýdentter «Uly dalanyń jeti qyry» jáne Otan tarıhy máseleleri, «Arhıv isin jáne is júrgizýdi sıfrlandyrý: problemalary men perspektıvalary» atty ǵylymı baǵytta daıyndalǵan zertteý jobalaryn qorǵady. Komandalardyń joba taqyryptary: «Qazaqstanda bıznes arhıvterdi qalyptastyrý: perspektıvalary men máseleleri», «EDO Kazahstana ı Kıtaıa: sravnıtelnyı analız», «Internet saıttarynda arhıv kórmelerin uıymdastyrý», «Alash zııalylarynyń ulttyq tárbıe men bilim berýdegi kózqarastary jáne búgingi zaman» dep atalyp, stýdentter taqyryp boıynsha óz usynystaryn jasady.
Arhıvtaný jáne is júrgizýdi uıymdastyrý boıynsha IV qalalyq stýdenttik olımpıadada ál-Farabı atyndaǵy Qazaq Ulttyq ýnıversıtetiniń «Qazyna» komandasy I oryndy, Abaı atyndaǵy Qazaq Ulttyq Pedagogıkalyq ýnıversıtetiniń «Qazanat» komandasy II oryndy, «Amanat» komandasy III oryndy ıelendi. Sonymen qatar, «Smart students» komandasy «Eń úzdik tanystyrylym», «Prometeı» komandasy «О́zekti taqyryp», «Asyl mura» komandasy «Innovasııalyq taqyryp» nomınasııasyna ıe boldy. Qatysýshy komandalarǵa qarjylaı jáne estelik syılyqtar, al jetekshilerine Alǵys hat tabys etildi. Sondaı-aq, olımpıadaǵa qatysqan ár stýdentke sertıfıkat berildi.
Komandalardyń jumysyn Ákimshilik jáne aqparattyq tehnologııalar ınstıtýty, QR Ortalyq memlekettik arhıvi, QR Ortalyq memlekettik kıno-foto qujattar men dybys jazbalar arhıvi, QR Ortalyq memlekettik Ǵylymı-tehnıkalyq qujattama arhıvi, Almaty qalasy Ortalyq memlekettik arhıviniń qyzmetkerleri baǵalady.
