Partııa bastamasymen júzege asyp jatqan áleýmettik qamqorlyq sharalary oblys kásipkerleri tarapynan da úlken qoldaýǵa ıe bolýda. Búginge deıin mesenattar men demeýshiler kómegimen 3,5 myń otbasyna jalpy somasy 125 mln.teńgege qarjylaı kómek kórsetilip, 3 páter, 20 úı berilgen. Jalpy, aımaqta «Qutty meken» jobasyna biriktirilgen memlekettik «Nurly jol» baǵdarlamasynda 116 jobanyń júzege asyrylýyna 92,6 mlrd teńge qarajat bólingen.
Al «Nurly jer» memlekettik baǵdarlamasy aıasynda aǵymdaǵy jyly 101 jobanyń júzege asyrylýyna 17,8 mlrd teńge qarajat qarastyryldy. «Halyqqa kómek» biryńǵaı áleýmettik tereze» partııalyq jobasy aıasynda oblysta partııanyń barlyq fılıaldarynyń qoǵamdyq qabyldaý bólmelerinde 376 ótinish tirkelipti. Osy ótinishter ishinde 81 ótinish ıaǵnı 21,5 proosenti oń sheshimin tapqan eken.
- Jetisý óńirinde 40 myń kópbalaly otbasynda 165 myń bala tárbıelenedi. Olardyń 11 myńy ataýly áleýmettik kómek alatyn otbasylar. «Baqytty otbasy» jobasy aıasynda Almaty oblysynda áleýmettik jol kartasy iske qosyldy. Aǵymdaǵy jyly áleýmettik kómekke jergilikti bıýdjetten 6 mlrd.teńge, Áleýmettik jol kartasyna qosymsha 3,4 mlrd.teńge qarajat qarastyryldy, - dedi óz sózinde «Nur Otan» partııasy Almaty oblystyq fılıaly tóraǵasynyń birinshi orynbasary Ǵalıasqar Sarybaev.Konferensııa barysynda aımaqtyq ardagerler keńesiniń tóraǵasy, oblystyq máslıhat depýtaty Ermek Kelemseıit pen analar keńesiniń tóraıymy Jamal Baımadıeva jáne Jetisý memlekettik ýnıversıteti jastar ortalyǵynyń basshysy Arnaı Baıjurynov óz oılaryn ortaǵa saldy. Konferensııa sońynda Jetisý óńirinen «Nur Otan» partııasynyń kezekten tys HIH Sezine 45 delegat saılandy.
