«Qazaqstan Ulybrıtanııa úshin mańyzdy seriktes bolyp tabylady. Osy sapar barysynda biz Ortalyq Azııadaǵy jáne jalpy aımaqtaǵy turaqtylyq pen qaýipsizdik salasyndaǵy Ulybrıtanııa men Qazaqstannyń ortaq maqsattaryna qol jetkizý týraly talqyladyq. Eki el de ekijaqty qarym-qatynasty nyǵaıtýǵa jáne myqty kommersııalyq baılanystardy, sonymen qatar, zańgerlik qyzmet pen joǵary bilim salasyndaǵy yntymaqtastyqty odan ári damytýǵa daıyn.
«О́tken jyly biz Ortalyq Azııada alǵashqy erekshe quqyqtyq rejımmen qurylǵan, aǵylshyn zańynyń prınsıpterine negizdelgen Astana halyqaralyq qarjy ortalyǵynyń ashylýyn atap óttik. Qazaqstan 1991 jyly táýelsizdik alǵannan beri Ulybrıtanııanyń Qazaqstanǵa salǵan ınvestısııalarynyń kólemi 20 mıllıard fýnt sterlıngten astamdy quraıdy. Qazaqstandaǵy alty jetekshi ınvestorlardyń biri retinde biz eki el arasyndaǵy tyǵyz baılanys odan ári damıtynyna jáne keńeıetinine senimdimiz» dedi Ser Alan Dankan.
