Atalǵan basqosýǵa óńirdegi «Jas Otan» jastar qanatynyń bólimshe jetekshileri, jastar isi jónindegi komıtet jetekshileri, úkimettik emes uıym músheleri qatysyp, óz oılaryn ortaǵa saldy.
Kezekten tys ótkizilgeli otyrǵan Prezıdent saılaýynyń elimiz úshin, onyń ishinde jastar úshin mańyzdy ekenin aıtqan «Nur Otan» partııasy Jambyl oblystyq fılıaly «Jas Otan» jastar qanatynyń tóraǵasy Ýalıhan Bolatbek barlyq jastardy elimiz úshin mańyzdy saıası oqıǵaǵa biraýyzdan qatysýǵa shaqyrdy.
«Eldiń bolashaǵyn oılaǵan árbir jas bul saılaýǵa qatysyp, óz kandıdatyna daýys berýi kerek. Elimizdiń damýyna óz úlesin qosý ár jastyń basty maqsaty, saıası qundylyǵy bolý kerek dep oılaımyn. Eń mańyzdysy – turaqtylyqty saqtaýda, tarıhı qunydylyqtardy nasıhattaýda, demokratııalyq prınsıpterdi qalyptastyrýda jastar aldyńǵy qatarda bolý kerek dep esepteımin. Bul saılaý jastardyń belsene qatysyp, óz bolashaqtaryna nyq qadam jasaýǵa múmkindik dep oılamyn», deıdi ol. Sonymen qatar, Taraz qalalyq máslıhatynyń depýtaty Serikbol Berikqoja «Prezıdenttik saılaý – Qazaqstandyq jastardyń qaryshtap damýyna, ósýine jáne saıası jaǵdaıǵa beıimdelýiniń basty kepili» taqyrybynda sóz sóılep, jastardy jaýapty saıası naýqanǵa belsene qatysýǵa úndedi.
