«Saılaý jarııalanǵannan keıin Ortalyq saılaý komıssııasy Bilim mınıstrligimen, jetekshi oqý oryndarynyń rektorlarymen birneshe keńes ótkizdi. Osy keńesterdiń qorytyndysynda Ortalyq saılaý komıssııasynyń janynan qurylatyn Lıngvıstıkalyq komıssııanyń quramyna myna azamattardy usynamyn: Myrzataı Joldasbekov - fılologııa ǵylymdarynyń doktory, professor, QR UǴA akademıgi, L.Gýmılev atyndaǵy Eýrazııa ulttyq ýnıversıteti túrkologııa kafedrasynyń meńgerýshisi; Ádil Ahmetov - fılologııa ǵylymdarynyń doktory, professor, Halyqaralyq joǵary mektep ǵylym akademııasynyń akademıgi; Ǵarıfolla Esim - fılosofııa ǵylymdarynyń doktory, professor, QR UǴA akademıgi; Serik Qasqabasov - fılologııa ǵylymdarynyń doktory, professor, QR UǴA akademıgi, L.Gýmılev atyndaǵy Eýrazııa ulttyq ýnıversıteti qazaq ádebıeti kafedrasynyń meńgerýshisi; Gúltas Qurmanbaı - fılologııa ǵylymdarynyń doktory, professor, Nazarbaev Ýnıversıteti janyndaǵy «Rýhanı jańǵyrý» mádenı ortalyǵynyń dırektory; Erden Qajybek - fılologııa ǵylymdarynyń doktory, professor, QR UǴA korrespondent-múshesi, A.Baıtursynuly atyndaǵy til bilimi ınstıtýtynyń dırektory. bul azamattardyń barlyǵy da qazaq tili men ádebıeti salasyndaǵy ǵalymdar» dedi komıssııa músheleriniń tizimin jarııa etken QR Ortalyq saılaý komıssııasynyń múshesi Lázzat Súleımen. Onyń atap ótýinshe, Lıngvıstıkalyq komıssııanyń otyrysy ashyq jáne jarııaly túrde ótetin bolady.
