Saıysqa О́zbekstannan, Nur-Sultan, Almaty, Shymkent qalalarynan, Aqtóbe, Qostanaı, Qaraǵandy jáne oblysymyzdan mánerlep syrǵanaýshylar kelgen. Baıraqty básekede 8 komanda, 150-ge jýyq sportshy baq synasty.
– Mánerlep syrǵanaý – sporttyń eń ádemi túri. Bul jerde náziktik, erekshe daryn, sheberlik qajet. Bizdiń elde atalǵan sporttyń damýyna jaǵdaı jasalǵan. Osy kúni 50-den asa jas ózderin Elızabettiń izbasarlary sanap, mánerlep syrǵanaýǵa mashyqtanýda. Búgingi shara qatysýshylarynyń kóptigi osynyń aıǵaǵy, – dedi oblys ákiminiń orynbasary Rýslan Rústemov.
Jarystyń ashylý saltanatynda jergilikti ónerpazdar án shyrqap, merekelik kóńil-kúı syılady. Muz aıdynyna Elızabet shyqqanda jurt erekshe yqylas tanytty. Qarshadaı ǵana qazaq qyzynyń shyǵar bıigi kóp ekendigine tilektestikterin bildirdi.
Qyzylorda oblysy
