Qaraǵandydaǵy qarymdy is
Senbi, 10 qarasha 2012 7:04
Qaraǵandy oblysynyń IID qyzmetkerlerin kezekten tys attestattaýy ótkizildi. Joǵary attestattaý komıssııasynda Qaraǵandy oblysynyń IID 4 basshysy attestattaýdan ótti, barlyǵy atqaryp otyrǵan laýazymdaryna sáıkes keledi. Ortalyq attestattaý komıssııasynda Qaraǵandy oblysynyń IID-niń 138 qyzmetkeri attestattaýdan ótti. Olardyń ishinde 102 qyzmetker sátti ótse, 36 qyzmetker attestattaýdan ótken joq, onyń ishinde, 8 adam joǵary turǵan laýazymǵa jyljytýǵa usynyldy. 12 qyzmetker laýazymynan tómendetildi. Al 15 qyzmetker jumystan shyǵaryldy.
Senbi, 10 qarasha 2012 7:04
Qaraǵandy oblysynyń IID qyzmetkerlerin kezekten tys attestattaýy ótkizildi. Joǵary attestattaý komıssııasynda Qaraǵandy oblysynyń IID 4 basshysy attestattaýdan ótti, barlyǵy atqaryp otyrǵan laýazymdaryna sáıkes keledi. Ortalyq attestattaý komıssııasynda Qaraǵandy oblysynyń IID-niń 138 qyzmetkeri attestattaýdan ótti. Olardyń ishinde 102 qyzmetker sátti ótse, 36 qyzmetker attestattaýdan ótken joq, onyń ishinde, 8 adam joǵary turǵan laýazymǵa jyljytýǵa usynyldy. 12 qyzmetker laýazymynan tómendetildi. Al 15 qyzmetker jumystan shyǵaryldy.
Búginde Qaraǵandy oblysynyń IID qyzmetkerleriniń kezekten tys attestattaýyn ótkizý boıynsha oblystyń IID aımaqtyq attestattaý komıssııasynyń 33 otyrysy ótkizildi. Attestattaýdan ótýge 5281 qyzmetker qatysyp, 4925-sy sátti ótse, 356 qyzmetker attestattaýdan óte almaı qaldy. Onyń ishinde atqaryp otyrǵan laýazymyna 70 adam sáıkes keldi. 93 adam laýazymynan tómendetildi. 175 adam quqyq qorǵaý organynan qyzmetten bosatyldy.
Attestattaýǵa jatatyn qyzmetkerler úshin qoıylǵan negizgi talaptardyń biri zańnamany bilý jáne logıkalyq oılaý boıynsha testileýden ótý, deneshynyqtyrý jáne atys daıarlyǵy boıynsha synaqtar tapsyrý boldy. Attestattaýdy ótkizýdiń aldynda jeke qurammen kezekten tys attestattaýdy ótkizý maqsaty men tártibi týraly túsindirme jumysy ótkizildi. Testileý synyptary, sport zaldar, tırler, aýdıo jáne beınebaqylaý quraldarymen jabdyqtaldy. Qaraǵandy oblysynyń densaýlyq saqtaý basqarmasynda oblystyń IID AAK attestattaýǵa jatatyn qyzmetkerler kestege sáıkes psıhologııalyq turaqtylyq ótti. Jedel tobyndaǵy attestattaýdan ótetin adamdar (sozylmaly aýrýlarmen aýyratyn, 40 jastan joǵary jáne t.b.) deneshynyqtyrý daıarlyǵy boıynsha normatıvterdi tapsyrý aldynda medısınalyq tekserýden ótti jáne ári qaraı normatıvterdi tapsyrý kezeńinde olardy medısınalyq baqylaý júzege asyryldy.
Attestattaý komıssııasynyń otyrysynda qyzmetkerlerdiń laýazymdyq mindetterin oryndaýy shynaıy túrde kórsetilgen olardy sıpattaıtyn málimetterge erekshe nazar aýdaryldy. Qyzmettik mindetterin tıimdi jáne adal oryndaýyna, shyǵarmashylyq bastamashylyǵyna, baǵdarlamalyq qujattardy, kásibı bilimin qoldanýy men onyń deńgeıine, olardy jumysta qoldanýyna, zańdylyqty, memlekettik, eńbek tártibin, ishki tártipti saqtaýyna, iskerlik, jeke qasıetteri men qyzmetke degen kózqarasyna baǵa berildi. Jumys kórsetkishteri, qyzmettik jumystaǵy kemshilikteri, oryn alǵan eskertýleri men usynym sıpatyndaǵy usynystar ataldy.
Aıqyn NESIPBAI,
«Egemen Qazaqstan».
