Beınematerıaldarmen tanysty

Juma, 23 qarasha 2012 7:09

Taldyqorǵan qalalyq sotynda áskerı qyz­met­­shi V.Chelahtyń isi boıynsha prosess jal­ǵasý­da. 22 qara­shada sottalýshynyń advokaty S.Sár­senov sot­qa onyń qorǵaýyndaǵy adamnyń bu­rynǵysynsha sot zalyna shy­ǵyp, proseske qa­ty­sýdan bas tartyp otyrǵanyn habarlady. Osy­laısha isti qaraý sottalýshy Chelahsyz ótýde.
Iske tóraǵalyq etýshi E.Ahmetjanov qorǵaý­shy jaqqa qupııa qujattardy qaraýǵa quqyly advokat Estııarovtyń sottalýshymen birge qupııa belgisi bar is materıaldarymen tanysa alatynyn habarlady. Osylaısha, sot sottalý­shynyń óziniń jáne qorǵaýshy­synyń qupııa materıaldarmen tanysýy úshin ýaqyt berý týraly osyǵan deıingi ótinishin qanaǵattandyrdy.
Sot prosesi arnaıy is-sharalar beınejazbalaryn kórýmen jalǵasty. 22 qarashada qatysý­shy­larǵa Chelahtyń óz kameralastaryna qyzmet­tes­te­ri men ańshyny qalaı óltirgenin, shekara beketin órtep, taýda, odan keıin qystaqta qalaı jasyryn­ǵanyn egjeı-tegjeıli baıandaǵany, týystarymen jáne advokatymen sóıleskeni týraly beınetú­si­rilim kórsetildi.
Osydan keıin sot operatıvti-tergeý is-shara­la­ry ke­zin­de túsirilgen beınematerıaldardy qaraýǵa kóshti.