Jasyl ormannyń jas janashyrlary

Sársenbi, 1 tamyz 2012 7:24

Mektep oqýshylaryn memlekettiń ulttyq parkterin, tabıǵı qoryq­taryn, tabıǵı rezervattaryn qol­daýǵa qatystyrýdy kózdeıtin «Saıa­baqtar sherýi» atty tabıǵatty qorǵaý sharasyna Shaldaı orta mektebiniń ujymy belsene qatysýda. Mektep dırektory Úmit Qaıdaǵulovanyń aıtýynsha «Ertis ormany» memlekettik orman rezervatymen jasalǵan keli­simge sáıkes jazǵy ýaqytta Shaldaı, Seıten, Baýyrtal, Galkın, Sadyq­a­shy orman sharýashylyǵy aýmaǵynda mektep oqýshylary úshin 202 jańa jumys oryny uıymdastyryldy. Shal­daı mektebinde mektepishilik orman sharýashylyǵy quryldy.

Sársenbi, 1 tamyz 2012 7:24

Mektep oqýshylaryn memlekettiń ulttyq parkterin, tabıǵı qoryq­taryn, tabıǵı rezervattaryn qol­daýǵa qatystyrýdy kózdeıtin «Saıa­baqtar sherýi» atty tabıǵatty qorǵaý sharasyna Shaldaı orta mektebiniń ujymy belsene qatysýda. Mektep dırektory Úmit Qaıdaǵulovanyń aıtýynsha «Ertis ormany» memlekettik orman rezervatymen jasalǵan keli­simge sáıkes jazǵy ýaqytta Shaldaı, Seıten, Baýyrtal, Galkın, Sadyq­a­shy orman sharýashylyǵy aýmaǵynda mektep oqýshylary úshin 202 jańa jumys oryny uıymdastyryldy. Shal­daı mektebinde mektepishilik orman sharýashylyǵy quryldy. Jas or­manshylarǵa arnaıy kıim satyp alyn­dy. Mektepishilik orman sharýa­shylyǵyna arnaıy bólme bólinip, oǵan jóndeý jumystary júrgizilýde. Aldymen, mektep oqýshylary «Qa­nat­ty dostar» atty baǵdarlama aıasynda ormandaǵy qustarǵa astaýshalar jasady. Olarǵa jem salyp, aǵash pen butaqtarǵa ornalastyrdy. Son­daı-aq orman ishi qoqystan tazartylyp, kóptegen aǵash kóshetteri otyr­ǵyzyldy.
Osyndaı sharalardyń barysynda «Semeı ormany» rezervatynyń ormanshylary balalardy jabyq tamyr júıesimen ekpe kóshetterdi ósirý ádisimen tanystyrdy. Bizdiń elimiz­diń qaraǵaıly ormandary týraly ár túrli fılmder kórsetti. Orman zııankesteri jaıynda sóz qozǵap, ormandy mekendeıtin janýarlar týraly qyzyqty áńgimeler shertti. Al oqýshylar bolsa, «Orman – bizdiń ortaq úıimiz» taqyrybyna shyǵar­malar jazyp, tabıǵatqa degen kóz­qarastaryn bildirdi.
Farıda BYQAI,
«Egemen Qazaqstan».
Pavlodar oblysy.