Qyzylorda oblysynyń Jańaqorǵan aýdany, Súttibulaq aýylynyń 26 jasar turǵyny Nurádil Sabyr «Jas Project» jobasy boıynsha 1 mln. qaıtarymsyz grantty jeńip alady. Bul joba ózindik ıdeıasy bar, qolynan is keletin, maqsaty aıqyn jastarǵa qoldaý kórsetedi. О́ziniń áleýmettik jobasy boıynsha Nurádil aýyldaǵy jaǵdaıy tómen segiz otbasyǵa tórt aı kóleminde jumyrtqa men balapandar berýge mindettelgen.
Áýeli taýyq qora salyp, 500 jumyrtqaǵa arnalǵan ınkýbator men 50 taýyq satyp alǵan jas jigittiń jumysy jaqsy júrip ketken. Sondyqtan da ol aýydastaryna jumyrtqalar men balapandardy tegin uıymdastyryp júr.
Nurádil Sabyr óziniń jas kezinde ár úıde taýyq kóp bolǵandyǵyn aıtady. Keıin belgisiz bir sebeptermen taýyq asyraýshylar azaıyp ketken. Jurtshylyq taýyq eti men jumyrtqasy úshin aýdan, qalaǵa shyǵady. Osynyń bárin oı eleginen ótkizgen jas jigit «Jas Project» jobasyna óz bıznesin usynyp, qaıtarymsyz grant jeńip alady. Memlekettik qoldaý endi bir aýyldyń taýyqqa tirelgen problemasyn sheshýge járdem jasady.
