Qar erimeı jatyp, jańbyr jaýdy
Seısenbi, 5 naýryz 2013 7:21
Aýa raıyn zertteýshilerdiń aldyn ala boljaýy keıde shyndyqtyń aýylynan alystap ketetini jasyryn emes. О́skemende jeksenbi kúni 2-4 gradýs, al dúısenbide 2-4 gradýs jyly bolady dep habarlaǵan. Senbeseńiz ǵalamtordan qarańyz. Bıylǵy kóktem asa qaýipti bolatyn túri bar. Jeksenbi kúni О́skemen men oblystyń birqatar aýdandarynda kún kúrt jylyp, 10 gradýs jylylyqty kórsetti. Jańbyr túski 15.30-da bastalyp, sebelep turyp aldy. Qala kóshelerinde erigen qar sýy aryq bolyp aǵyp, turǵyndar ábigerge tústi. Dál qazir О́skemende 11 gradýs jyly, aýa raıy túnerip, taǵy da jańbyr jaýatyn túri bar.
Seısenbi, 5 naýryz 2013 7:21
Aýa raıyn zertteýshilerdiń aldyn ala boljaýy keıde shyndyqtyń aýylynan alystap ketetini jasyryn emes. О́skemende jeksenbi kúni 2-4 gradýs, al dúısenbide 2-4 gradýs jyly bolady dep habarlaǵan. Senbeseńiz ǵalamtordan qarańyz. Bıylǵy kóktem asa qaýipti bolatyn túri bar. Jeksenbi kúni О́skemen men oblystyń birqatar aýdandarynda kún kúrt jylyp, 10 gradýs jylylyqty kórsetti. Jańbyr túski 15.30-da bastalyp, sebelep turyp aldy. Qala kóshelerinde erigen qar sýy aryq bolyp aǵyp, turǵyndar ábigerge tústi. Dál qazir О́skemende 11 gradýs jyly, aýa raıy túnerip, taǵy da jańbyr jaýatyn túri bar.
Buǵan deıin qatty boran soǵyp, respýblıkalyq jáne oblys mártebesindegi joldardyń birazy jabylyp qaldy. Jańbyrdyń saldarynan joldaǵy qar erip, kólikterdiń júrýine nuqsan keltirdi. Sondyqtan «О́skemen – Rıdder», Shemonaıhanyń Reseımen shekaralas tas joly jabyldy. «О́skemen-Zyrıan» jolynda kúnniń kúrt jylýynan taýdan birneshe qar kóshkini boldy. Bul jolda júrý asa qaýipti.
Dúısenbi kúni Tótenshe jaǵdaılar mınıstri V.Bojko men Aýyl sharýashylyǵy mınıstrliginiń Sý sharýashylyǵy jónindegi komıtetiniń tóraǵasy Islam Ábishev óńirge kelip, tasqyn qaýpi joǵary Glýbokoe aýdanynyń Sekısovka, Zımove aýyldarynda, О́skemen men kórshi eldi mekenderdi aralady. Shynynda da, qatty nóser jaýyn qalyń qardyń tez erýine áser etýde. Mınıstrdiń aıtýynsha, erigen qar men jaýyn topyraqqa sińip bitken, endi ol betine shyǵyp eldi mekenderge jóńkiletin qaýip bar. Aldyn ala sharalar jasamasa, orny tolmas ókinish oryn almaq. Oblystaǵy sý qoımalarynyń jaǵdaıy da sóz boldy.
Keshkilik oblystyq ákimdikte oblys basshylary men sala basqarmalary jetekshileriniń qatysýymen tasqynnyń aldyn alý sharalary jóninde keleli jıyn bolyp ótti. Zyrıan aýdanyndaǵy Pýtınsevo, Buqtyrma, Turǵysyn aýyldarynda, Katonqaraǵaı, Kúrshim, Úrjar, Tarbaǵataı, Zaısan, taǵy basqa aýdandarda da bıyl qar mólsheri jyldaǵydan eki esege jýyq artyq. Mınıstrdiń aıtýynsha, oblysta 80 myńnan astam adam turatyn 157 eldi mekendi qarǵyn sý basýy múmkin. Sondyqtan jurtshylyqty tabıǵı apattan saqtap qalý maqsatynda tıisti mekemeler men basshylar aýqymdy jumys jasaýlary qajet. Oblys aýmaǵynda 35 gıdrologııalyq jáne 29 metobeket ornalastyrylyp, sol arqyly ózen sýlarynyń jaıyn boljap otyrý, monıtorıng saraptama jasaý da qolǵa alynypty. Oblys ákimi B.Saparbaev aýdan, qala basshylaryna kún saıyn senbilikter ótkizip, apattyń aldyn alý jóninde naqty tapsyrma berdi.
Ońdasyn ELÝBAI,
«Egemen Qazaqstan».
О́SKEMEN.
