Gúl qoıý rásimine Qazaqstan Respýblıkasynyń Mońǵolııadaǵy Elshisi Qalybek Qoblandın, jazýshy, Mońǵolııanyń belgili qoǵam qaıratkeri Sultan Táýkeıuly, Mońǵolııanyń Bas múftıi Batyrbek Hadys, Ulan-Batyrdaǵy «Jerlester» qazaq uıymynyń tóraǵasy Tileýhan Nájikeıuly, «MIAT» áýekompanııasynyń ushqyshy, ekıpaj komandıri Áýez Táshtýanuly jáne basqa da qoǵam belsendileri qatysty.
Múdáris Zaısanov - Mońǵolııa qarýly kúshterinde qyzmet atqarǵan qazaq azamaty, general-maıor. 1910 jyly Shyǵys Qazaqstan oblysy Zaısan óńirinde dúnıege kelgen. 1925 jyly Zaısan jaqtan Mońǵol eline qonys aýdardy.
Sodan 1932 jyly Monǵol eli atynan Keńes eliniń Orynbordaǵy ushqyshtar daıarlaıtyn ýchılısheni támamdaıdy. Halhın-Gol shaıqasy kezindegi erlikteri úshin Mońǵolııanyń jáne Keńes Odaǵynyń eń joǵarǵy nagradalarynyń biri - «Qyzyl tý» ordenimen marapattalady. 1937-1939 jyldary ózi oqyǵan Orynbordaǵy ushqyshtar ýchılıshesinde ustaz bolyp qalyp qoıady. 1944 jyldyń sáýir aıynda Uly Quryltaıdyń № 22 jarlyǵymen oǵan general-moıor sheni berildi. Bıyl dańqty qolbasshynyń týǵanyna 109 jyl tolady.
