EŃ QYZYǴY – QAR ÚSTINDEGI KÚRES

О́tken senbi kúni Astananyń bel ortasyn bólip turǵan Esil ózeni ústinde dástúrli “Burqasyn – 2010” shańǵy festıvali ótti. Birden aıtar bolsaq, bul shańǵy festıvali degen aty bolmasa, shyn má­nin­de ony birneshe sport túrin qam­ty­ǵan buqaralyq sport me­re­ke­si deýge bo­lady. Dástúrli shańǵy júgirisi bas­tal­maı turyp balalardyń dopty hokkeı, short-trek, mánerlep syrǵanaý, darts sa­­­ıys­taryna kózaıym boldyq. Eń qy­zyǵy qar ústindegi kúres boldy. Kádimgi qar ústinde birin-biri alyp-soǵyp jat­qan balýandardyń qystyń yz­ǵarynan jaýraǵanyn baıqamadyq, qaıta kú­res­ken saıyn bý-bý bolyp burqyrap bel­desedi. Uzyn sany myńǵa jýyq áýesqoı sport­­shy­lardy toǵystyrǵan “Bur­qa­syn” festıvalin Astana qalasy týrızm, dene tárbıesi jáne sport bas­qar­ma­synyń bastyǵy Aıtalap Qor­ǵambaev ashyp, osy sharaǵa arnaıy qatysqan Týrızm jáne sport mınıstrligi Sport komıteti tóraǵasynyń orynbasary Elsııar Qana­ǵatov  jınalǵan barsha qaýymdy dástúrli sport merekesimen quttyqtap, mundaı sharalar Elbasynyń bıylǵy Joldaýyna qatysty aıqyn­dal­ǵan mindetterdi oryndaýdyń ıgi bastamasy bolyp otyrǵanyn atap ótti. Shańǵy jarysynyń birinshi báse­ke­sine erkin qımylǵa múmkindigi shek­teýli, ıaǵnı múgedek qata­ryn­daǵy aza­mattar shyqty. Bul báse­kege negizinen qala­daǵy “Qaısar” múgedek sport­shylardyń arnaıy mek­tebiniń tárbıe­le­ný­shileri qatysqanyn atap ótkimiz ke­ledi. Esildiń ústine jınalǵan barsha jankúıerlerdiń qyzý qoldaýymen ótken bul jarysta Marat Er­mek­baev chempıon atansa, onyń komandalas serikteri Sergeı Iаkovlev pen Anatolıı Ko­­je­mıakın ekinshi jáne úshinshi oryn­dardy bólisti. Naǵyz qaısarlyq ta­nytqan bul sportshylardy Astana qalasy ákiminiń oryn­basary Aıda Balaeva erekshe iltıpatpen qut­tyq­tap, baǵaly syılyqtar tabys etti. Osydan keıin saıys jolyna aldy alpys­tan asqan, sońy jetpiske jetken ardagerler tústi. Taǵy da jan­kúıer qaýymnyń qolpashtaýy kú­sheıdi. Bul jarysta Sergeı Tıshkov pen Saıyn Imanǵajın syndy ar­dagerler jeńis tuǵyrynan kórindi. Al qalǵan jeti qa­shyq­tyq boıynsha ótken saıystarda Aıǵanym Ju­maǵulova, Ilııas Juma­ǵulov, Kamıla Barannık, An­­dreı Grı­nık jáne basqalary dástúrli jarys­tyń júl­delerine ıe boldy. Dastan KENJALIN.