Marǵulan murasy – ult maqtanyshy

Beısenbi, 11 sáýir 2013 1:45

Táýelsizdik saraıynda Álkeı Haqanuly Marǵulannyń muralaryn nasıhattaý maqsatynda «Álkeı Marǵulan murasy – urpaqqa ulaǵat» atty kórme ashyldy.

Kórme zalynda ǵalymnyń kózi tirisinde tutynǵan zattary men quraldary oryn alǵan. Qazaqtyń salty men dástúrin jınaqtaǵan ǵalym ándi súıip tyńdap, dombyrany da sheber tarta bilgen. Osy dombyra, sol sııaqty, uzaq jyldar kóz maıyn taýysyp qundy ǵylymı tujyrymdardy jazǵan jazý mashınkasy, arheologııalyq joryqtarda dúnıesin salǵan chemodany jáne berilgen kádesyılar qoıylǵan.

Beısenbi, 11 sáýir 2013 1:45

Táýelsizdik saraıynda Álkeı Haqanuly Marǵulannyń muralaryn nasıhattaý maqsatynda «Álkeı Marǵulan murasy – urpaqqa ulaǵat» atty kórme ashyldy.

Kórme zalynda ǵalymnyń kózi tirisinde tutynǵan zattary men quraldary oryn alǵan. Qazaqtyń salty men dástúrin jınaqtaǵan ǵalym ándi súıip tyńdap, dombyrany da sheber tarta bilgen. Osy dombyra, sol sııaqty, uzaq jyldar kóz maıyn taýysyp qundy ǵylymı tujyrymdardy jazǵan jazý mashınkasy, arheologııalyq joryqtarda dúnıesin salǵan chemodany jáne berilgen kádesyılar qoıylǵan.

Kórmege kelýshiler nazaryna ǵalymnyń jas kezindegi, ǵylym aka­demııasynda, ekspedısııalyq joryqtarda, demalys kezinde, ot­ba­synda túsken sýretteri de usy­nylyp otyr. Ásirese, erekshe nazar aýdaratyn dúnıe – 1926 jy­ly Ahmet Baıtursynovpen, Mir­jaqyp Dýlatovpen, Júsipbek Aı­maýytovpen, Muhtar Áýe­zov­pen birge túsken sýreti. Alash arys­tarynyń biri Álimhan Erme­kov­pen, akademık Qanysh Sátbaevpen jáne qazaqtyń ataqty aqyn-ja­zý­shylary, ǵalymdarymen birge tús­ken sýretter ótken kún tarıhynan syr shertedi.

Kórmede ǵalymnyń ózi qoltańba jazyp, qyzyna syıǵa bergen kitaby, Álkeı Marǵulanǵa estelikke be­rilgen qundy kitaptar da bar.

Kórmeniń ashylý saltanatyna Almatydan arnaıy ǵalymnyń qyzy Dánel Álkeıqyzy, akademık Jabaıhan Ábdildın, EUÝ qa­zaq ádebıeti kafedrasynyń meń­gerýshisi Seıit Qasqabasov, «Oty­rar» ǵylymı-zertteý ortalyǵynyń dırektory, jazýshy-ǵalym Tursyn Jurtbaı, túrkitanýshy ǵalym Qarjaýbaı Sartqojauly, arheolog Zeınolla Samashev syndy elimizge belgili tulǵalar qaty­syp, estelikterimen bólisti. Ál­keı Marǵulan muralarynyń 14 tom­dy­ǵynyń tusaýkeseri de boldy.

2004 jyly IýNESKO kóle­minde Álkeı Marǵulannyń 100 jyl­dyq mereıtoıy atalyp ótýi­ne baılanysty Astanadaǵy №40 orta mektebine Álkeı Mar­ǵu­lan­nyń esimi berildi. 2006 jyly 11 mamyr­da mektepte akademık Ál­keı Marǵulan murajaıy ashyl­dy. Kórmege qoıylǵan qun­dy jádigerler mekteptiń mura­jaıynan alynǵan.

Bekmurat О́MIRBEK,

pedagog-uıymdastyrýshy.