«MartArt» stýdııasynyń oqýshylary koreı ulttyq motıvterin, sondaı-aq Uly dala jeti qyryn beıneleıtin týyndylardy jurtshylyqtyń nazaryna usyndy.
- Kórmede burynda jaryq kórmegen, seksennen astam jumystar qoıyldy. Jınalǵan halyqty, káris motıvterinde beınelegen jas sheberlerdiń jumystary qyzyqtyrdy. Ásirese, ata men analardyń kóńiline erekshe áser qaldyrdy dep oılaımyn. Elbasynyń «Uly dalanyń jeti qyry» baǵdarlamasynyń negizgi maqalalaryn janama túrde beıneleıtin týyndylar da bar, deıdi «MartArt» dırektory Marta Kýtalıeva.
Bul taqyryptyq kórmege 4 jastan 14 jasqa deıingi balalar qatysty. Jas sýretshilerdiń 80-nen astam týyndylary usynyldy.
Iýsýp Shahshaev, Anna Lagaı, Ehman Kım, Devıd Iаn, Valentına Kım jáne basqalar shyǵarmashylyq jastardyń óte qabiletti jáne meıirimdi ekenderin atap ótti.
Mańǵystaý oblysyndaǵy ákim apparatynyń «Qoǵamdyq kelisim» KMM dırektory Amankúl Djaılhanova osyndaı shyǵarmashylyq is-sharalar jastardyń shyǵarmashylyq josparlaryn júzege asyrýdyń birden-bir mehanızmi ekenin aıta kele,
- Jastar keleshegimizdiń negizi retinde óz bilimimen, jasampaz eńbegimen jáne kúsh-jigerimen óz bolashaǵyn qurýdyń jańa múmkindikterin alý qajet, - dedi ol.
Káris etnomádenı birlestiginiń tóraǵasy Raısa Madenova barlyq qatysýshylarǵa alǵysyn bildirdi. Sonyń ishinde, «MartArt» stýdııasynyń dırektory Marta Kýtalıevanyń, jasóspirimderdi durys tárbıeleý jolyndaǵy, úlken jetistikterin atap ótti.
«MartArt» stýdııasynyń dırektory, osyndaı shyǵarmashylyq is-sharany uıymdastyrǵany úshin rızashylyq belgisi retinde «Chosonǵa» stýdııa sheberi salǵan sýretti tartý etti.
Barlyq qatysýshylar «Choson» káris etnomádenı birlestiginiń alǵys hattary men syılyqtary berildi.
Konserttik baǵdarlamada Mańǵystaý oblysynyń QHA óner sheberleriniń oryndaýynda dostyq, beıbitshilik týraly ánder shyrqaldy.
Taqyryptyq kórme Qazaqstan Respýblıkasynyń Tuńǵysh Prezıdenti - Elbasy Nursultan Nazarbaev jarııalaǵan «Jastar jyly» aıasynda, sondaı-aq 31 mamyrda elimizde atap ótiletin saıası qýǵyn-súrgin qurbandaryn eske alý kúni qarsańynda uıymdastyryldy.
Mańǵystaý oblysy
