Sonymen birge ortalyq mamandary otbasy qundylyqtaryn alǵa tarta otyryp, ajyrasý kezeńinde ári-sári júrgen erli-zaıyptylarǵa moraldyq jáne psıhologııalyq kómek kórsetýdi kózdeıdi. Ári olardyń arasynda týyndaǵan ár túrli túsinispeýshilik pen kelispeýshilik kórinisterine arasha túsýdi, soǵan sáıkes múmkindigine qaraı qajetti kómek kórsetýdi murat tutady.Sondaı-aq Aqtóbe qalalyq sotynyń sýdıasy Aıgúl Abdýllınanyń aıtýynsha aıyryqsha ortalyq neke buzý úderisteriniń tómendeýine, eń bastysy otbasynyń saqtalýyna tıisti yqpalyn tıgizbek.
Kámelettik jasqa tolmaǵan balalardyń quqyǵyn qorǵaý men olardyń tolyqqandy otbasynda tárbıelenýi úshin baǵyt-baǵdar berý isi de ortalyq qyzmetkerleriniń enshisine tıip otyr.
Mundaı ortalyqtyń qajettiligi tómendegi derekterden de aıqyn kórinedi. Aıtalyq ótken 2018 jyldyń 4 aıynda Aqtóbe qalasy boıynsha nekeni buzý men ajyrasý úshin sottarǵa 1002 talap aryz tússe, bul san bıylǵy jyldyń osy kezeńinde 1264-ke ósken. Onyń birqataryna tıisti sheshim shyǵarylsa, birqatar is eki taraptyń tatýlasýyna baılanysty toqtatylǵan. Bir jaqsysy osyndaı ońdy qadamǵa barǵandar qatary ótken jylmen salystyrǵanda bıyl eki ese kóp ekendigi deýge bolady.
Áıtse de sońǵy jyldary oblys ortalyǵynda ajyrasý kórinisteri kóbeıip otyrǵany qynjyltpaı qoımaıdy. Osyndaı jaǵdaıda otbasyn saqtaý ortalyǵy keleńsiz kórinisti boldyrmaý men erli-zaıyptylardyń basyn qaıtadan qosý baǵytynda eleýli ról atqarary anyq.
Osy oraıda ortalyqtyń ashylý rásimi kezinde ádil qazylardyń atynan aıtylǵan keıbir oryndy oı-pikirlerdi de aıta ketýdiń oraıy kelip turǵandaı. Iаǵnı olardyń aıtýynsha otbasyn saqtap qalý kóptegen jaǵdaılarda sýdıalardyń qolynan kele bermeıdi. Olar tek óz tarapynan tıisti zań sheńberinde ǵana sheshim qabyldaıdy. Osyndaı jaǵdaıda Aqtóbede jańadan ashylǵan ortalyq qyzmetiniń mańyzy arta túspek.
Iаǵnı aldaǵy ýaqytta ajyrasý boıynsha sotqa kelip túsken aryzdardy osy ortalyqta qurylǵan komıssııa músheleriniń qaraý tártibi belgilenip otyr. Osyndaı tártip pen júıe arqyly otbasy men nekeni saqtap qalý múmkindigi óse túsetinine shek keltirýge bolmaıdy deıdi sýdıa Aıgúl Abdýllına.
AQTО́BE
